o C     22. 02. 2020   : :

ԿԱՐՃ ԼՈՒՐԵՐ

«Սպանողը պրոֆեսիոնալ է եղել». մանրամասներ մարզիկ Աշոտ Բոլյանի սպանությունից

16.11.2019 10:05 ՔՐԵԱԿԱՆ
«Սպանողը պրոֆեսիոնալ է եղել». մանրամասներ մարզիկ Աշոտ Բոլյանի սպանությունից

Sputnik Արմենիայի տնօրինության տակ են հայտնվել կադրեր մարզիկ Աշոտ Բոլյանի սպանության վայրից։ Կադրերում երևում են հանցագործության հետքերը։ Հայտնի են դարձել նաև հանցագործության որոշ մանրամասներ։

Թաիլանդական բռնցքամարտի աշխարհի չեմպիոն, Հայաստանում ծնված Աշոտ Բոլյանին նոյեմբերի 13–ին սպանել էին Մոսկվայի Նախիմովսկի պողոտայում գտնվող բնակելի տան մերձակայքում, իր Infiniti մակնիշի ավտոմեքենայի մոտ։ Մարմինը հայտնաբերել էր տեղի բնակիչներից մեկը։

Զինծառայողը հրազենային վնասվածք է ստացել ճակատի շրջանում. ՔԿ-ն մանրամասներ է հայտնել

ՌԴ ՔԿ տվյալներով, Բոլյանին հրազենային վնասվածք են հասցրել, նա տեղում մահացել է։ Ինչպես գրում է «Կոմսոմոլսկայա պրավդան», քննչական մարմինը կարծում է, որ 40-ամյա Բոլյանին սպանած անձը խլացուցիչ է օգտագործել։ Տան բնակիչները կրակոցների ձայներ չեն լսել։

Փաստաբան Կարեն Ներսիսյանի խոսքով` սպանությունն ակնհայտ պատվեր էր։ Նա ուշադրություն է դարձրել մարդասպանի պրոֆեսիոնալ մոտեցմանը։ «Նա միայն մեկ` ճշգրիտ կրակոց է արձակել։ Նման քրեական գործերը միշտ դժվար է հետաքննելը»,–ասել է Ներսիսյանը։

Նա կարծում է , որ իրավապահ մարմինների աշխատակիցները պետք է կասկածյալներ փնտրեն նրանց թվում, ում ձեռնտու էր նախկին մարզիկին վերացնելը։ Փաստաբանը նաև սպանությունն անվանել է 1990-ականների վերադարձ։

Միևնույն ժամանակ, դեպքի վայրից տեսանյութ էր հրապարակել Mash տելեգրամ ալիքը։

Մոսկվայի գծով ՌԴ ՔԿ գլխավոր քննչական վարչությունում քրեական գործ է հարուցվել ՌԴ ՔԿ 105-րդ հոդվածի 1–ին մասի (սպանություն) և 222–րդ հոդվածի 1 մասի (զենքի ապօրինի շրջանառություն) հատկանիշներով։ Համալիր քննչական և օպերատիվ հետախուզական գործողություններ են իրականացվում հանցագործին հայտնաբերելու ուղղությամբ։ Հետաքննությունը շարունակվում է։

armeniasputnik.am

 

КОМСОМОЛЬСКАЯ ПРАВДА