Այսօր 86 տարվա դադարից հետո Սուրբ Սոֆիայի՝ մզկիթի վերածված տաճարում նամազ կանցկացվի, ներկա է լինելու նաև Էրդողանը

1934թ-ից ի վեր առաջին անգամ՝ 86 տարվա դադարից հետո, Ստամբուլի՝ մզկիթի վերածված Սուրբ Սոֆիայի տաճարում հուլիսի 24-ին նամազ կանցկացվի: Ինչպես հայտնում է РИА Новости-ն, նամազին ամենայն հավանականությամբ մասնակցելու է նաև Թուրքիայի նախագահ Ռեջեփ Թայիփ Էրդողանը:

Հիշեցնենք, որ Թուրքիայի պետական խորհուրդը (բարձրագույն վարչական դատարան) հուլիսի 10-ին չեղյալ էր հայտարարել Ստամբուլի Սուրբ Սոֆիայի տաճարը թանգարան դարձնելու մասին 1934 թվականի որոշումը: Թուրքիայի նախագահ Ռեջեփ Թայիփ Էրդողանը դրանից հետո հրամանագիր է ստորագրել տաճարը մզկիթի վերածելու մասին։

Սուրբ Սոֆիայի տաճարը բյուզանդական ճարտարապետության հուշակոթող է: Այն կառուցվել է 532-537թթ․՝ Հուստինիանոս կայսեր կողմից, որը որոշել էր այս տաճարով հավերժացնել Կոստանդնուպոլսի փառքը: 1453թ․ Բյուզանդական կայսրության անկումից հետո տաճարը վերածվել է մզկիթի: 1935թ․ Թուրքիայի կառավարության որոշմամբ, որը ստորագրվել է ժամանակակից թուրքական պետության հիմնադիր Քեմալ Աթաթուրքի կողմից, տաճարը դարձել է թանգարան, կառույցի պատերը մաքրվել են որմնանկարներից և խճանկարներից: 1985թ․ տաճարն ընդգրկվել է ՅՈՒՆԵՍԿՕ-ի Համաշխարհային ժառանգության ցանկում:

Այս թեմայով Այսօր Արթուր Ալեքսանյանի հարսանեկան արարողությունն է Փաշինյանը համերաշխություն է հայտնել Լեհաստանին Կրակովի ողբերգությունից հետո ԱԲ-ն գուշակ չէ. Տեղեկատվական անվտանգության փորձագետը զգուշացնում է Փաշինյանը Նորավանքում մասնակցել է սուրբ և անմահ պատարագի. տեսանյութ 11։11. Ի՞նչ է ուզում ճակատագիրը մեզ ասել, կրկնվող թվերի օրը