Ռուսաստանի օդատիեզերական ուժերը ամերիկյան օդանավ են որսացել

Ռուսական Սու-27 կործանիչը օդ է բարձրացել՝ ամերիկյան հետախուզական ինքնաթիռը Սեւ ծովի վրա ուղեկցելու համար։ Այս մասին հայտնում է ՌԴ պաշտպանության կառավարման ազգային կենտրոնը։ «2020 թվականի օգոստոսի 15-ին Սեւ ծովի չեզոք ջրերի վրա օդային տարածքի վերահսկողության ռուսական միջոցներով հայտնաբերվել է ՌԴ պետական սահմանին մոտեցող օդային թիրախը։ Թիրախը ճանաչելու եւ նույնացնելու համար օդ է բարձրացվել Սու-27 կործանիչը՝ Հարավային ռազմական օկրուգի հակաօդային պաշտպանության հերթապահ ուժերի կազմից»,- ասված է հաղորդագրության մեջ:

Հաղորդագրության համաձայն, ռուսական կործանիչի անձնակազմը մոտեցել է անվտանգ հեռավորության վրա օդային օբյեկտին եւ այն նույնականացրել է որպես ԱՄՆ ՌԾՈՒ «Արիես» ռադիոտեխնիկական հետախուզության ինքնաթիռ: «Ռուսաստանի Դաշնության պետական սահմանից ԱՄՆ ՌԾՈՒ ինքնաթիռի շրջադարձից հետո ռուսական կործանիչը բարեհաջող վերադարձել է բազավորման օդանավակայան։ Ռուսական Սու-27 կործանիչի ամբողջ թռիչքը տեղի է ունեցել օդային տարածքի օգտագործման միջազգային կանոններին համապատասխան»,- նշվում է հաղորդագրության մեջ:

Նշվում է, որ Ռուսաստանի պետական սահմանի խախտում ամերիկյան ինքնաթիռով թույլ չի տրվել ։

Այս թեմայով Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Ռուսաստանի երկնքում խոցվել է ավելի քան 1600 ԱԹՍ. Սոբյանին Ռուսասկան ուժերը Դոբրոպոլեի ուղղության վտանգավոր ճեղքում են իրականացրել Ամերիկյան գերգաղտնի ռազմական բեռը սխալմամբ ուղարկվել է... Չինաստան Ռուսաստանի արտաքին քաղաքականության մեջ նոր, եզակի փորձ է սկսում ի հայտ գալ. Փորձագետ