Իսպանիայում Արեւմտյան Նեղոսի տենդի բռնկում է․ գրանցվել է առաջին մահը

Իսպանիայի Սեւիլիա նահանգում՝ Անդալուսիայի ինքնավար համայնքում, 77-ամյա տղամարդը մահացել է Արեւմտյան Նեղոսի տենդի վիրուսով վարակվելուց հետո: Այս մասին հայտնում են իսպանական լրատվական գործակալությունները։

Նշվում է, որ Լա Պուեբլա դել Ռիո քաղաքի բնակիչը մի քանի օր գտնվում էր ինտենսիվ թերապիայի բաժանմունքում։ Նա դարձել է նահանգում արձանագրված հիվանդության առաջին զոհը։ Ընդհանուր առմամբ Անդալուսիայում Արեւմտյան Նեղոսի տենդի վիրուսով վարակվել է 35 մարդ, որոնց մեծ մասին հոսպիտալացում է անհրաժեշտ եղել:

Տեղեկանք

Արեւմտյան Նեղոսի տենդը սուր վարակիչ (վիրուսային) հիվանդություն է, որը փոխանցվում է մոծակների միջոցով եւ արտահայտվում է պոլիադենիտով, մաշկի վրա ցանով եւ ուղեղի մեմբրանների բորբոքմամբ, երբեմն՝ մենինգոենցեֆալիտով: Վիրուսի փոխանցողները մոծակներն են, տիզերը, իսկ վարակի աղբյուր կարող են հանդիսանալ ջրամբարը թռչուններն ու կրծողները: Արեւմտյան Նեղոսի տենդը հստակ սեզոնայնություն ունի՝ հունիսից մինչեւ հոկտեմբեր, երբ մոծակների զարգացման պայմաններն առավել բարենպաստ են: Ավելի հաճախ հիվանդանում են երիտասարդ տարիքի մարդիկ։

Հատուկ պատվաստանյութ Արեւմտյան Նեղոսի տենդի դեմ չի մշակվել։

Այս թեմայով Գլխուղեղի ուռուցքի առաջին 10 նշանները, որոնց մասին պետք է յուրաքանչյուրն իմանա Թրամփը հայտարարել է, որ Ռուսաստանն ու Ուկրաինան առաջին անգամ ցանկանում են վերջ դնել հակամարտությանը Բլոգեր «Գեորգիքսը» և «Առաջին լրատվականի» լրագրող ներկայացած անձը կասկածվում են շորթում կատարելու, շանտաժի մեջ Կանադան կարող է դառնալ Եվրամիության առաջին ասոցացված անդամը. Reuters Արագածոտն մարզում առաջին ձյունը եկավ