Շախմատի համաշխարհային օլիմպիադա. Հայտնի է Հայաստանի հավաքականի մրցակիցը 1/8 եզրափակիչում

Նախապես տեղեկացրել էինք, որ Հայաստանի հավաքականն արագ շախմատի առցանց օլիմպիադայի նախնական փուլում C խմբում զբաղեցրել էր 3-րդ տեղը և իրավունք էր ստացել պայքարը շարունակելու 1/8 եզրափակչից:

Այդ փուլում մեր ընտրանին օգոստոսի 27-ին կմրցի D խմբում 2-րդ տեղը զբաղեցրած
Հունաստանի հավաքականի հետ: Հույների արգելքը հաղթահարելու դեպքում քառորդ եզրափակչում մեր հավաքականի մրցակիցը կլինի А խմբի հաղթող Հնդկաստանի ընտրանին:

1/8 եզրափակչի մյուս զույգերը կազմել են Բուլղարիան ու Լեհաստանը, Հունգարիան ու Գերմանիան, Չինաստանն ու Ուկրաինան:

Նախնական փուլում Հայաստանի հավաքականի կազմում բոլորից հաջող հանդես եկավ Աննա Սարգսյանը, որը մասնակցեց բոլոր 9 մրցախաղերին և իր թիմին 7 միավոր պարգևեց: Հայկ Մարտիրոսյանն ու Էլինա Դանիելյանը 8 հնարավորից 5,5 միավոր վաստակեցին, Լիլիթ Մկրտչյանի օգտին կես միավոր պակաս գրանցվեց: Լևոն Արոնյանը 7 պարտիաներում 4,5 միավոր վաստակեց:

Այս թեմայով Հայաստանի կառավարությունը երբեք չի մտնի մի պրոցեսի մեջ, որը դեմ է Իրանին կամ մյուս հարևան երկրներին. Սիմոնյան Հայաստանի ազգային հրավիրված ֆուտբոլիստների ցանկը «Հրապարակ». Շաքիի հայտնի դեպքերի վերաբերյալ փակ քննարկում է տեղի ունեցել Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է Որ ուժերն են մասնակցում Կարապետյանի տան հավաքին