Ճապոնիայի վարչապետ Սինձո Աբեն հեռանում է պաշտոնից

Ճապոնիայի վարչապետ Սինձո Աբեն հրաժարական  է տվել: Նա մանրամասնել է, որ հեռանում է պաշտոնից՝ առողջական խնդիրների բարդացման պատճառով: Այս հայտարարությամբ նա հանդես է եկել այսօր, Տոկիոյում հրավիրված ասուլիսի ժամանակ:

«Քաղաքական գործչի համար ամենակարեւորը լավ արդյունքներ գրանցելն է: Այդ արդյունքի համար ես ներդրել եմ իմ բոլոր ջանքերը 7 տարի եւ 8 ամիս շարունակ: Քաղաքական գործիչը չի կարող սխալներ թույլ տալ միայն այն պատճառով, որ առողջական  վիճակը կաղում է: Ես հեռացնում եմ ինձանից վարչապետի պարտականությունները»,-ասել է նա:

Աբեն հիշեցրել է, որ ճիշտ նույնկերպ, 13 տարի առաջ եւս ինքը ստիպված է եղել հեռանալ պաշտոնից՝ առողջական խնդիրների պատճառով: Այս տարվա հունիսին պարզ է դարձել, որ Աբեի հիվանդությունը կրկին սրվել է:

Սինձո Աբեն Լիբերալ-դեմոկրատական կուսակցության ղեկավարն է եւ Ճապոնիայի վարչապետի պաշտոնը զբաղեցնում է 2012 թվականից: Այս ամիս նա դարձել է բացարձակ ռեկորդակիր՝ Ճապոնիայի ամբողջ պատմության ընթացքում դառնալով ամենաերկարակյաց վարչապետը: Լուսակցության նոր ղեկավարի ընտրությունները կանցկացվեն սեպտեմբերին: Գործնականում, վարչապետի պաշտոնում է հայտնվում իշխող կուսակցության առաջնորդը՝ խորհրդարանում անցկացվող քվեարկությունից հետո:

Այս թեմայով Լեհաստանի վարչապետ Տուսկը լապտերներով զինված ռուսների ներխուժմանը Վրաստանի նպատակը Ռուսաստանի հետ կապերի ամրապնդումն է. Վարչապետ Ֆրանսիայի վարչապետը հրամայել է պարետային ժամ սահմանել երկրում տեղի ունեցող անկարգությունների ֆոնին Թող Երևանը դառնա քաղաքական նոր վճռականության հանգրվան, թող սա լինի պահ, երբ խոսքից անցնում ենք գործի. վարչապետ Զելենսկու մերձավոր շրջապատը ցանկանում է նրան հեռացնել պաշտոնից. Ռադայի պատգամավոր