«Չի կարելի անտեսել ճանապարհ անցած գրականագետներին» ԿԱՐՈ ՎԱՐԴԱՆՅԱՆ

Համավարակի երկար դադարից հետո  այցելուների առջեւ իր դռներն է բացել Եղիշե Չարենցի անվան գրականության եւ արվեստի թանգարանը: Մեր զրույցը թանգարանի տնօրեն, գրող, գրականագետ ԿԱՐՈ ՎԱՐԴԱՆՅԱՆԻ հետ ծավալվեց հենց թանգարանի ներսում,  որտեղ պահպանվում են պարետատան բոլոր կանոնները:

– Ինչպե՞ս անցկացրիք համավարակի այս դժվար շրջանը:

– Մենք հիմնականում գտնվել ենք թանգարանում: Աշխատանքները կոնկրետ գրականության եւ արվեստի թանգարանում կանգ չեն առել մի պարզ պատճառով, որ հիմնականում այս դադարը թանգարանների, գրադարանների առումով վերաբերվում էր այցելուներին: Բնականաբար, դրսից մարդ չէր կարելի ընդունել: Իսկ մեր հիմնարկի, կազմակերպության ցուցադրական հատվածը շատ փոքրիկ է: Այն մոտավոր պատկերացում է տալիս այն ահռելի գանձարանի մասին, որ պահպանվում է մեր ֆոնդերում: Մեր թանգարանի առաջնային խնդիրներն այլ են:  Այսինքն` այդ մեկուկես միլիոն միավոր կազմող արխիվների մշակման աշխատանքների շարունակականությունը, արխիվն"րի համալրումը, որը մասամբ իրականացրել ենք այս ամիսների ընթացքում:Մասամբ ասելով` նկատի ունեմ գիտական բաժինները, խոսքը վերաբերում է գրականության, թատրոնի, կինոյի եւ երաժշտարվեստի արխիվները մշակող գիտական բաժիններին: Քանի որ փոքրիկ են սենյակները, ամեն բաժնից մի հոգի ենք հրավիրել աշխատանքի: Այդ մակարդակով շարունակել ենք աշխատանքն"րը մինչ"ւ որ արդեն մեկ շաբաթ է այցելուներ ենք ընդունում: Ի տարբերություն մայր թանգարանի` մեր հինգ մասնաճյուղերը  լիարժեք հուշային թանգարաններ են: Նկատի ունեմ Դսեղի` Հովհաննես Թումանյանի, Գորիսի` Ակսել Բակունցի, Աշտարակում` Պերճ Պռոշյանի եւ երկուսն էլ Երեւանում` Սիլվա Կապուտիկյանի եւ Դերենիկ Դեմիրճյանի տուն-թանգարանները: Այս ամիսների ընթացքում  օգնեց մեր նախկին փորձը, որպեսզի միշտ կենսունակ պահենք մեր էջը, դեռ բազմապատիկ ավելի զարգացնենք:  

– Եթե աշխատանքները կանգ չեն առել, ապա ի՞նչ գործունեություն եք ծավալել այս ամիսների ընթացքում:

– Սկսած մարտ ամսից, երբ արտակարգ իրավիճակ հայտարարվեց, միջոցառումների կազմակերպման իրականացման մեր բաժնով, փոքրիկ խմբով շաբաթը մի քանի անգամ այստեղ ենք եղել: Մշակել ենք խորագրեր: Ամեն խորագրի տակ ութ, տաս եւ ավելի միջոցառումներ են եղել: Դրանք կամայական խորագրեր չեն եղել: Անդրադարձել ենք գրականության եւ արվեստի ոլորտի տարվա հոբելյաններին:

Նունե Զաքարյան

Հ.Գ-Զրույցի ամբողջական տարբերակը կարդացեք այսօրվա «Իրավունք» թերթի համարում:

Այս թեմայով Մեկ ընդդիմադիր համայնքապետ ասեք, որ ընտրվել է ու չի հետապնդվել․ Քրիստինե Վարդանյան ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Մեծ Բրիտանիան ներկա տեսքով կարո՞ղ է աշխարհի քարտեզներից վերանալ Դուք ո՞վ եք, ի՞նչ իրավունքով եք հայտարարում, որ Արցախն արցախցիների հայրենիքը չէ. Քրիստինե Վարդանյան