«Պետք է տաքսիստներին բերել օրինական դաշտ». նախարար

Արխիվ 16-20 22 Հոկտեմբեր, 2016 16:36

«Իրավունք»-ը երեկ գրել է, որ տաքսիստները հանձնելու են լիցենզիաները` ի նշան տրանսպորտի, կապի և տեղեկատվական տեխնոլոգիաների նախարարության բողոքի: «Ավտովարորդների պաշտպանության լիգայի» նախագահ Տիգրան Հովհաննիսյանի հավաստմամբ՝ իրենք դեմ չեն լիցենզավորմանը, բայց առաջարկում են կիսով չափ նվազեցնել դրա համար գանձվող ամսական 12,000 դրամը, գումարի մի մասն էլ ուղղել իրենց իրավունքները պաշտպանող արհմիությունների ստեղծմանը։

Տաքսու վարորդները նախորդ նախարարի օրոք էլ էին բողոքում, բարձրաձայնում իրենց խնդիրները: Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանից «Իրավունք»-ը հետաքրքրվեց` նախարարը չի՞ ցանկանում հանդիպել տաքսիստների հետ եւ քննարկել նրանց խնդիրները:

- Հարցին հարցով պատասխանեմ: Դուք կողմնակի՞ց եք, որ նրանք օրինական դաշտում աշխատեն:

- Այո: Բայց պետք է տաքսու վարորդներին էլ հարցնեք:

- Հարցրել ենք: Շատերն ուզում են օրինական դաշտում աշխատել, շատերը` ոչ: Պետք է ամեն ինչ անել, որ նրանց բերել օրինական դաշտ:

Սոնա Դավթյան