Մայր թատրոնը հանդիսատեսի առջեւ իր դռները կբացի «Պեպո» ներկայացմամբ

Մայր թատրոնում արդեն ավարտվել են վերանորգման աշխատանքները եւ դեկտեմբերին «Պեպո» ներկայացման առաջնախաղով իր դռները կբացի թատերասեր հանրության առաջ:  «Պեպո» ներկայացումն անցկացվելու է բոլորովին նոր տեխնիկայով վերազինված բեմում, որը ինչպես թատրոնի գեղարվեստական ղեկավար ԱՐՄԵՆ ԷԼԲԱԿՅԱՆԸ նշեց, ստացել է 21-րդ դարի շունչ.«Որպես օրենք ասել եմ եւ կրկնում եմ`ստեղծագործական որակը կախված չէ տեխնիկայից , կախված է ստեղծագործողից, բայց այս դեպքում տեխնիկան կնպաստի, քանի որ թատրոնի հիմնական զարկերակը մթնոլորտն է,  առանց մթնոլորտի չկա թատրոն: Այս ամենը կնպաստի, որպեսզի հանդիսատեսի եւ թատրոնի մարդկանց երեւակայությունն ավելի լավ աշխատի»,-նշեց Ա. Էլբակյանը:

Անդրադառնալով «Պեպո» ներկայացմանը, Ա. Էլբեկյանը նկատեց, որ այն դասական եւ միեւնույն ժամանակ խիստ ժամանակակից գործ է: Թատրոնն առաջիկայում կներկայացնի նաեւ երիտասարդական ներկայացում, որը նվիրված է Արցախի թեմային, երիտասարդ ռեժիսոր Դավիթ Հարությունյանի ռեժիսուրայով. «Առաջիկա երկու ներկայացումները լինելու են պրեմիերաներ, միանգամից ոչինչ չի ստեղծվում, միանգամից միայն քանդվում է: Թատրոնը մաղի նման մի բան է, աշխատանքի արդյունքում ամեն ինչ մաղվում է եւ ջրի երեսին մնում են միայն մարգարիտները: Կա նպատակներ մեր խաղացանկում ընդգրկելու մանկական եւ պատանի հանդիսատեսի համար ներկայացումներ: Դրանք մեր գերաղարվեստական խորհուրդով արդեն հաստատվել են: Կհրավիրենք նաեւ ռեժիսորների, նկատի ունեմ նրանց, ովքեր արդեն հաստատել են իրենց կարողություններն այս կամ այն թատրոնում, ովքեր հաստատել են իրենց տեսակը, ովքեր կարող են նոր շունչ բերել թատրոն»,-ընդգծեց թատրոնի գեղարվեստական ղեկավարը:

ԶՎԱՐԹ ԽԱՉԱՏՐՅԱՆ

Այս թեմայով Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Զերծ մնալ եկեղեցական կյանքի պառակտիչ միջամտություններից․ Մայր Աթոռը վերստին կոչ է ուղղում պատկան պետական մարմիններին Սիրուշո Փրոդաքշնի գրասենյակում խուզարկությունն ավարտվել է․ դռները կնքվել են Ոչ համարժեք պատասխան՝ ԱԺ ամբիոնից հնչած լուտանքներին ԶԳՈՒՇԱՑԵՔ. 08.08 հայելային օր է, լի բացահայտումներով