«SAVE THE CHILDREN» ՀԿ-ի ՆԵՐԿԱՅԱՑՈՒՑԻՉ.«ԼԻՆՈՒՄ ԵՆ ԴԵՊՔԵՐ, ԵՐԲ ԵՍ ԷԼ ՀԱՇՎԻ ՉԵՄ ԱՌՆՈՒՄ ԵՐԵԽԱՅԻՍ ԿԱՐԾԻ

«SAVE THE CHILDREN» ՀԿ-Ի  ՆԵՐԿԱՅԱՑՈՒՑԻՉ.«ԼԻՆՈՒՄ

ԵՆ ԴԵՊՔԵՐ, ԵՐԲ ԵՍ ԷԼ ՀԱՇՎԻ ՉԵՄ ԱՌՆՈՒՄ ԵՐԵԽԱՅԻՍ

ԿԱՐԾԻՔԸ»

Այսօր լրագրողների հետ հանդիպման ժամանակ  «Save the children» ՀԿ-ի  հայաստանյան ներկայացուցչության տնօրեն Արսեն Ստեփանյանը խոսեց երեխայի իրավունքների  իրավիճակի մասին:

Նոր սահմանադրության տեքստում երեխաների իրավունքներին վերաբերող դրույթ է ամրագրվել, որն Արսեն Ստեփանյանը դրական է համարում:

«Իրավունքի» դիտարկմանը, թե ընդդիմախոսները պնդում են` սա վտանգավոր դրույթ է, ինչ-որ առումով դեմ է մեր արժեահամակարգին եւ օրենսդրական մակարդակով հիմնավորված չէ, թե որ տարիքից երեխայի կարծիքը կարելի է հաշվի առնել, Արսեն Ստեփանյանի խոսքով` մենք երեխաներին վերաբերող որոշումներում իրենց կարծիքը հաշվի չենք առնում: «Լինում են դեպքեր, որ ես էլ հաշվի չեմ առնում իմ երեխայի կարծիքը»,- ասաց երեխաների իրավունքներով զբաղվող ՀԿ-ի ներկայացուցիչը:

Մտավախություն չունի՞ Արսեն Ստեփանյանը, որ երեխաների իրավունքների ամրագրումը եւ դրանց իրավակիրառությունը գուցե հանգեցնի ծնողներին շանտաժ անելուն: «Դրանք կարող են բացառիկ դեպքեր լինել: Մենք խոսում ենք աշխարհում  ընդունված եւ նորմալ պրակտիկայի մասին: Այնպես որ, մենք նորության միջով չենք անցնում»,- պատասխանում է ՀԿ-ի ներկայացուցիչը:

Ինչպես կարելի է վարվել այն ընտանիքների եւ ծնողների հետ, որոնք անբարո կյանքով են ապրում եւ իրենց երեխաներին էլ հետագայում ստիպում են անցնել նույն ճանապարհը: Լուծումը, ըստ մասնագետի, պարզ է` պետք է ստեղծել արդյունավետ ուղղորդման համակարգ, որի վրա ՀԿ-ն  աշխատում է, քանի որ համայնքներում գործող  խնամատարության եւ որդեգրման հարցերով զբաղվող եւ կամավորական հիմունքներով գործող հանձնաժողովներն արդյունավետ չեն գործում:

ՍՈՆԱ ԴԱՎԹՅԱՆ