ԻՐԱՎԱՊԱՇՏՊԱՆ. «ԱՐՑԱԽՅԱՆ ԽՆԴԻՐԸ ՄԻՋԱԶԳԱՅԻՆ ՀԱՆՐՈՒԹՅԱՆԸ ՃԻՇՏ ՉԻ ՆԵՐԿԱՅԱՑՎՈՒՄ»

ԻՐԱՎԱՊԱՇՏՊԱՆ. «ԱՐՑԱԽՅԱՆ ԽՆԴԻՐԸ ՄԻՋԱԶԳԱՅԻՆ

ՀԱՆՐՈՒԹՅԱՆԸ ՃԻՇՏ ՉԻ ՆԵՐԿԱՅԱՑՎՈՒՄ»

Թեեւ Արեւմուտքն ու Ռուսաստանը Սիրիայի հարցում  համագործակցում են, սակայն   ՌԴ-ի հանդեպ  պատժամիջոցները  շարունակվում են: ԱՄՆ նախագահ Բարաք Օբաման ՄԱԿ-ի գլխավոր վեհաժողովում Ռուսաստանի դեմ պատժամիջոցները, ԱՄՆ նախագահը հայտարարել է, որ կողմ է պատժամիջոցները երկարաձգելուն, քանի դեռ ճգնաժամը չի լուծվել:

«Իրավունքը» իրավապաշտպան Լարիսա Ալավերդյանից պարզեց` ինչո՞ւ Արեւմուտքը  պատժամիջոցներ չի կիրառում նաեւ Ադրբեջանի հանդեպ  հայ-ադրբեջանական եւ արցախա-ադրբեջանական սահմաններում  ագրեսիա սանձազերծելու, զինադադարը խախտելու համար: Արդյոք սա չի  խոսում  երկակի ստանդարտների  մասին: Իհարկե, բայց մեր խնդիրը միջազգային հանրությանը Արցախի խնդիրը միջազգային հանրությանը ճիշտ ներկայացնելն է, ոչ թե սպասել, թե երբ է հերթական զեկուցողը բռնության մասին զեկույց ներկայացնելու:  Արեւմուտքն արցախյան խնդիրն այսպես է ընկալում` Հայաստանը ՌԴ-ի օգնությամբ վերցրել է Ադրբեջանի մի մասը: Ռուսաստանն էլ մտել է Ուկրաինա, խլել Ղրիմը եւ խլել Ուկրաինայի մի մասը: «Այսքանից հետո Արեւմուտքի տեսանկյունից ինչ երկակի ստանդարտների մասին է խոսքը: Մինչդեռ մեր նպատակն է ասել, որ  եղել է ազգային-ազատագրական պայքար, որը շարունակական է եղել: Մենք շարունակել ենք մեր պայքարը բոլոր ժամանակներում: Եվ երբ զինված բախումներ են սկսվել Արցախում, մենք մասնակցել ենք»,- եզրափակեց Լարիսա Ալավերդյանը:

ՍՈՆԱ ԴԱՎԹՅԱՆ