ՎԱԶԳԵՆ ՍԻՍԼՅԱՆԸ ՄՈՆԹԵԻ ԸՆԿԵՐՈՋ ԳՆԱՀԱՏԱԿԱՆՆԵՐԸ «ՍՐԻԿԱՅՈՒԹՅՈՒՆ» Է ՀԱՄԱՐՈՒՄ

ՎԱԶԳԵՆ ՍԻՍԼՅԱՆԸ ՄՈՆԹԵԻ ԸՆԿԵՐՈՋ

ԳՆԱՀԱՏԱԿԱՆՆԵՐԸ «ՍՐԻԿԱՅՈՒԹՅՈՒՆ» Է ՀԱՄԱՐՈՒՄ

Նախորդ տարի «Իրավունքը» ազատամարտիկ Մոնթե Մելքոնյանի մտերիմ ընկերոջ, ազատամարտիկ Վահե Շահմուրադյանի կարծիքը ԱՍԱԼԱ-ի,Մոնթե Մելքոնյանի մասին: Պարզվում է, որ մեր հրապարակումները մեծ արձագանք են գտել թե՛ Հայաստանում, թե՛ Սփյուռքում , ավելին` յութուբյան էջում բազում քննադատական խոսքեր կան ուղղված Վահե Շահմուրադյանին:

Թեեւ պրն Շահմուրադյանը վախճանվել է քաղցկեղից, սակայն ԱՍԱԼԱ-ի բացահայտված անդամ, «Վան» գործողության  հրամանատար Վազգեն Սիսլյանը «Իրավունք»-ի  հետ զրույցում անդրադառնալով Ադրբեջանում ապաստանած Վահան Մարտիրոսյանին  ԱՍԱԼԱ-ի կողմից սատկացնելուն, չշրջանցեց նաեւ այդ թեման: Սիսլյանի խոսքով` ԱՍԱԼԱ-ի մասին ասված խոսքերը «էշություններ» են. «Դա կարծիք չէր, այլ սրիկայություն: Ես այդ անձին շատ լավ եմ ճանաչում, թող իր մասին խոսեր` ինչ վնասներ է տվել»:

Հակադարձեցինք «Վան» գործողության հրամանատարին, որ նա  կարող է պատասխանել Շահմուրադյանին: Սակայն մեր զրուցակիցն ասաց, որ իր համար ամենակարեւորը ժողովրդի գնահատականն է:

Վազգեն Սիսլյանը նաեւ մեզ մեղադրեց դիտավորյալ այդ «էշությունները» տարածելու համար, մինչդեռ   հիշեցնում ենք` «Իրավունքը» ազգային ու հայրենասիրական  արժեքների պահպանման ու տարածման ջատագովն է ու երկու  հակադիր կարծիքները լուսաբանելն ամենեւին  վարկաբեկման  նպատակով չի արվում, առավելեւս, որ  Գաղտնի բանակի մասին հակադիր կարծիք մեր  լրատվամիջոցը հնչեցրել է մեկ անգամ:

ՍՈՆԱ ԴԱՎԹՅԱՆ