«ԳԻՏՆԱԿԱՆԻ ԱՇԽԱՏԱՎԱՐՁԸ ԲԱՐՁՐԱՑՆԵԼՈՒ ՈՒ ԴՐԱ ԴԻՄԱՑ ՈՉԻՆՉ ՉՊԱՀԱՆՋԵԼՈՒ ԴԵՊՔՈՒՄ ՎԱՏ ՀԵՏԵՎԱՆՔՆԵՐ ԿՈՒՆ

«ԳԻՏՆԱԿԱՆԻ ԱՇԽԱՏԱՎԱՐՁԸ  ԲԱՐՁՐԱՑՆԵԼՈՒ  ՈՒ ԴՐԱ ԴԻՄԱՑ ՈՉԻՆՉ ՉՊԱՀԱՆՋԵԼՈՒ ԴԵՊՔՈՒՄ  ՎԱՏ  ՀԵՏԵՎԱՆՔՆԵՐ  ԿՈՒՆԵՆԱՆՔ»

Հիդրոէկոլոգիայի  գիտական կենտրոնի գիտական գծով փոխտնօրեն կենսանաբանական գիտությունների թեկնածու Հասմիկ Խաչատրյան է, ում խոսքով`ոչ արժանավայել աշխատավարձերի պատճառով  սերնդափոխություն տեղի չի ունենում գիտության ոլորտում:

Հայաստանի ճարտարագիտական համալսարանի ռեկտորի նախկին պաշտոնակատար Հովհաննես Թոքմաջյանը, սակայն, «Իրավունք»-ի հետ զրույցում այլ կարծիք հայտնեց: Գիտնականը պետք է կարողանա բավարարել այսօրվա  պահանջներին: Եթե միայն աշխատավարձ է բարձրացվում ու դրա դիմաց ոչինչ չի պահանջվում, դա վատ  հետեւանքների կարող է հանգեցնել:  « Գիտնականը կարող  է տասը ծրագիր ներկայացնել, բայց մեկի վերաբերյալ տրվի դրական եզրակացություն:  Բայց կարեւորն այն է, որ  իսկական  գիտական  հետազոտություններ արվեն, ոչ թե  փոշոտ բաները վերցնեն,  փոշիները սրբեն,  նորից դնեն  տեղն ու ասեն` գիտությամբ ենք զբաղվում»,- կարծում է  Թոքմաջյանը:

Ռեկտորի նախկին պաշտոնակատարի խոսքով`  գիտական ծրագրերը պետք է  կյանքի կոչվեն համաֆինանսավորմամբ` ֆինանսի մի մասը տրամադրի պատվիրատուն, մյուս մասը`պետությունը: «Նման ծրագրեր   փորձում էի իրականացնել համալսարանում, ցավոք, կիսատ մնաց:  Աշխարհում   վաղուց է  ընդունված համաֆինանսավորման եղանակը, պարզապես մենք նոր-նոր ենք գնում այդ ճանապարհով»,- եզրափակեց   տեխնիկական գիտությունների դոկտորը:

ՀՀ ԿԳՆ գիտության պետական կոմիտեի նախորդ տարվա հաշվետվության համաձայն` ՀՀ ԿԳՆ գիտության պետական կոմիտեի եւ  Հիմնարար հետազոտությունների բելառուսական հանրապետական հիմնադրամի կողմից անցկացվող գիտական հետազոտությունների համատեղ նախագծերի աջակցության միջազգային մրցույթի  շնորհիվ ֆինանսավորվել է 17 ծրագիր (ընդունվել էր 35 հայտ):  Իսկ  ՀՀ ԿԳՆ գիտության պետական կոմիտեի  եւ Ռուսաստանյան հումանիտար գիտական հիմնադրամի կողմից անցկացվող գիտական հետազոտությունների համատեղ նախագծերի աջակցության միջազգային մրցույթի շնորհիվ  ֆինանսավորվել է 8 ծրագիր (ընդունվել էր 14 հայտ):

ՍՈՆԱ ԴԱՎԹՅԱՆ