ԽԺԴԺՈՒԹՅՈՒՆ`ԱԺ-ՈՒՄ ՍԱՀՄԱՆԱԴՐՈՒԹՅԱՆ ՆՈՐ ՆԱԽԱԳԾԻ ՔՎԵՐԱԿՈՒԹՅՈՒՆԻՑ ՀԵՏՈ. ՏԵՍԱՆՅՈՒԹ

ԽԺԴԺՈՒԹՅՈՒՆ`ԱԺ-ՈՒՄ ՍԱՀՄԱՆԱԴՐՈՒԹՅԱՆ ՆՈՐ

ՆԱԽԱԳԾԻ ՔՎԵՐԱԿՈՒԹՅՈՒՆԻՑ ՀԵՏՈ. ՏԵՍԱՆՅՈՒԹ

Այսօր խորհրդարանում սահմանադրության նախագիծը դրվեց քվեարկության: Ձայների մեծամասնությամբ այն ընդունվեց, սակայն պատգամավոր Զարուհի Փոստանջյանը, ինչպես միշտ, տեղի-անտեղի աղմկում էր` կարծես քննադատում նոր սահմանադրությունը: ՀԱԿ խմբակցության պատգամավորներ Արամ Մանուկյանն ու Լեւոն Զուրաբյանը միացան փոստանջյանական գորգոռոցներին, ցանկացան վարման կարգվ խոսք ասել, սակայն չթույլատրեցին: Դրան զուգահեռ տարին մեկ անգամ ԱԺ եկող եւ կոճակ սեղմող մի քանի պատգամավորների աղմուկով դահլիճը լքելը իսկական խժդժություն առաջացրին խորհրդարանում:

Ի դեպ, մինչ երկրի կարեւորագույն փաստաթղթի ընդունումը, այսօր Ազգային ժողովի դիմաց տեղի էր ունենում բողոքի ակցիա ընդդեմ սահմանադրական բարեփոխումների: Ոստիկանների եւ ակցիա իրականացնողների միջեւ տեղի է ունեցել բախում, որի ընթացքում ոստիկանները ցանկացել են բերման ենթարկել նաեւ ՀԱԿ խմբակցության պատգամավոր Արամ Մանուկյանին եւ միայն կեսից հասկանալով, թե ում են բերման ենթարկում ազատ են արձակել: Եվ հենց դրա մասին էր Մանուկյանը բարձր-բարձր տեղեկացնում ԱԺ դահլիճում գտնվող պատգամավորներին: Որքան էլ զարմանալի է, բայց փաստ է՝ Ա. Մանուկյանը փաստորեն որեւէ կերպ չի ամրագրվել մարդկանց հիշողություններում, իսկ այս պարագայում՝ ոստիկանների:

Մանրամասները`տեսանյութում:

ՍՈՆԱ ԴԱՎԹՅԱՆ