Ո՞Ր ԲՀԿ-ԱԿԱՆՆ Է ՎԻՐԱՎՈՐԵԼ ՄԵԿ ԱՅԼ ԲՀԿ-ԱԿԱՆ ԳՈՐԾԱՐԱՐ ՊԱՏԳԱՄԱՎՈՐԻՆ

Ո՞Ր ԲՀԿ-ԱԿԱՆՆ Է ՎԻՐԱՎՈՐԵԼ ՄԵԿ ԱՅԼ ԲՀԿ-ԱԿԱՆ

ԳՈՐԾԱՐԱՐ ՊԱՏԳԱՄԱՎՈՐԻՆ

Սահմանադրության նոր քվեարկության ժամանակ ԲՀԿ պատգամավոր Վահան Կարապետյանը ԱԺ դահլիճում չի եղել, սակայն նրա փոխարեն մեկ այլ պատգամավոր է գրանցվել: «Իրավունքը» Վահան Կարապետյանից պարզեց` նա տեղեկություն ունի, թե ով է իր փոխարեն գրանցվել եւ ինչ պարզաբանում կտա վերոնշյալ դեպքի համար:

- Ես շատ գիտեմ: Կարդացի, իմացա: Հիվանդ էի, ճիշտն ասած»,- ասաց  ԲՀԿ պատգամավորը:

- Դուք այդ օրը խորհրդարանում չե՞ք եղել:

- Այո: Ես այդ օրն ԱԺ-ում չեմ եղել: Ում հարցնում եմ, ասում են… Բայց գրացվե՞լ են (նկատի ունի իր փոխարեն-խմբ.):

- Այո, գրանցվել են Ձեր փոխարեն ու ձեր անվան դիմաց գրված է` չի քվեարկել: Այսինքն` դուք չեք քվեարկել նոր սահմանադրության օգտին:

- Ճիշտն ասած, նոր հարցրի հարեւաններին…

- Հարեւաններն ովքե՞ր են :

- (Ծիծաղում է եւ բացում պատգամավորական սենյակի դուռը: Հավանաբար իր կողքին նստող պատգամավորներին նկատի ունի` հարեւաններ ասելով-խմբ.):

- Գուցե Ձեր կողքին նստող պատագամավորներին  հարցնեք: Ովքե՞ր են նստում Ձեր կողքին:

- Վահե Էնֆիաջյանն ու Դավիթ Քոչարյանը:

- Ինչ եք կարծում, ով արած կլինի:

- Դու ո՞ւմ վրա ես կասկածում:

- Դուք պետք է ասեք:

- Ես չգիտեմ (ծիծաղում է-խմբ.):

- Իսկ  հետեւողական կլինե՞ք` պարզելու` ով է նման քայլ արել:

- Հա, իհարկե:Կփորձեմ: Վիրավորված եմ:

- Բայց  կարծես ուրախ եք:

- Չէ, կատակում եմ:

ՍՈՆԱ ԴԱՎԹՅԱՆ