Զ. ՄԽԵՅԱՆ.«ՔԱՂԱՔԻ ՕՐԸ ՏՈՆ Է ՀԱՄԱՅՆ ՀԱՅՈՒԹՅԱՆ ՀԱՄԱՐ»

Արխիվ 12-16 7 Հոկտեմբեր, 2015 12:41

Մի քանի օրից կնշվի մայրաքաղաքի 2797-ամյակը: Սակայն «Էրեբունի Երեւան» տոնակատրություններն ոչ բոլորի սրտով է, հասարակության մի մասը դեմ է, պատճառաբանելով, որ տոնակատարության ամբողջ գումարն ուղղվի սահմանամերձ համայնքներին: Հին երեւանցիները կողմ են մայաքաղաքի տոնին նվիրված միջոցառումների անցկացմանը: Նրանցից մեկն էլ պրոդյուսեր ԶԱՌԱ ՄԽԵՅԱՆՆ Է, նրա խոսքով`քաղաքի օրը՝ երկրի գլխավոր օրվա հետ հավասարապես, որպես կանոն, ամենամասսայական տոնն է, նախապատրաստական աշխատանքների թափով ամեմամեծը՝ որը հուզում է մեր քաղաքի յուրաքանչյուր բնակչին. «Կարծում եմ, այն պետք է էլ ավելի լայն շրջանակների ընդգրկի, քանի որ մարդկանց նվիրել տոն ` հիասքանչ է եւ նույնն է, ինչ նվիրել բարություն: Բարությունն այն է, որը կարող է լսել խուլը եւ տեսնել՝ կույրը: Բարությունն այն միակ արժեքն է այս անիրական, երեւակայական աշխարհում, որ կարող է համարվել ինքնանպատակ: Եթե մենք բոլորս դրական մտածենք եւ բարություն տարածենք մեր շուրջը, կզգանք, թե ինչ երջանկություն է, երբ քո քաղաքը տոն ունի: Քաղաքի օրը տոն է համայն հայության համար, քանի որ այդ օրը, արդեն տարիներ ի վեր, Հայաստան են գալիս մեր աշխարհասփյուռ հայրենակիցները. չէ որ մեր քաղաքը ամենաջերմն է, ամենագեղեցիկն ու ամենաժպտադեմը, ամենահյուրընկալը և ամենասիրառատը: Եվ, եթե մենք սիրում ենք մեր քաղաքը, պետք է միշտ նշենք նրա ծննդյան տոնը, առավել եւս, որ Երեւանը աշխարհի՝ պահպանված հնագույն քաղաքներից մեկն է»,-նշեց Զ. Մխեյանը:

Նրա փոխանցմամբ`այս տարի քաղաքի օրվա տոնակատարություններն ունեն որոշ առանձնահատկություններ, քանի որ 2015 թվականը Հայոց Մցեղասպանության 100-րդ տարելիցն է.«Այս տարի շատ գեղեցիկ կարգախոս ունենք. «Իմ բարի ու ջերմ քաղաք», ուրեմն եկեք միասին բարություն գործենք մեր սիրելի քաղաքի համար եւ սատարենք մեր քաղաքապետարանին. առավել եւս, որ արդեն 20 պատվիրակություն եւ յոթ քաղաքապետեր հաստատել են իրենց մասնակցությունը մեր տոնին, այդ թվում՝ Ռուսաստանից, Ֆրանսիայից, Արցախից»,-շեշտեց տիկին Մխեյանը եւ ավելացրեց.«Անկասկած է, որ մեր քաղաքի ծննդյան յուրաքանչյուր օր նշվելու է նոր հաջողություններով ու ձեռքբերումներով. չէ որ բոլոր երեւանցիներին միավորում է մեկ բան՝ սերն առ իրենց հարազատ ու նվիրական քաղաքը: Մաղթում եմ բոլոր երեւանցիներին առողջություն, բարեկեցություն եւ նոր իրագործումներ՝ ի նպաստ մեր ուժեղ հայրենիքի և հարազատ քաղաքի»:

Ինչ վերաբերում է սահմանամերձ համայնքերի խնդիրների լուծմանը, ապա Զառա Մխեյանի փոխանցմամբ այդ խնդրով զբաղվում է Հայաստանի կառավարությունը, որը միշտը փոխհատուցել եւ շարունակում է փոխատուցել այդ համայնքերի կրած վնասները:

ԶՎԱՐԹ ԽԱՉԱՏՐՅԱՆ