ԱՐԱ ԱԲՐԱՀԱՄՅԱՆ. «ՁԵԶ ՉԹՎԱ, ՈՐ ԵՍ ԳԻՇԵՐԸ ՔՆԵԼ-ԶԱՐԹՆԵԼ ԵՄ ՈՒ ՈՐՈՇԵԼ ԿՈՒՍԱԿՑՈՒԹՅՈՒՆ ԲԱՑԵԼ»

ԱՐԱ ԱԲՐԱՀԱՄՅԱՆ. «ՁԵԶ ՉԹՎԱ, ՈՐ ԵՍ ԳԻՇԵՐԸ ՔՆԵԼ-

ԶԱՐԹՆԵԼ ԵՄ ՈՒ ՈՐՈՇԵԼ ԿՈՒՍԱԿՑՈՒԹՅՈՒՆ ԲԱՑԵԼ»

«Իրավունք»-ն այսօր  ՌԴ հայերի միության նախագահ Արա Աբրահամյանից  պարզեց` ինչպես է նա պատրաստվում զբաղվել  քաղաքականությամբ եւ կուսակցություն բացել, եթե նա ՀՀ քաղաքացի չէ եւ վերջին հինգ տարում չի բնակվել ՀՀ-ում: Մինչ բուն պատասխանը պարոն Աբրահամյանը այսպես ասած սկսեց գլուխ գովալ ասելով, որ ինքը 25-30 տարիների ընթացքում արտաքին քաղաքական հարցերով է զբաղվել, մեծ փորձ է ձեռքբերել: «Ես մեծ գիտելիքներ, կապեր» ամենակարեւորը պրակտիկ փորձ եմ ձեռքբերել: Նաեւ մեծ փորձ ձեռքբերեցի միջազգային կազմակերպությունների հետ աշխատելիս: Դուք չեք պատկերացնում, թե ես ինչքան բիզնես անելու մեծ տեղ ունեմ: Ձեզ չթվա, որ ես գիշերը քնել-զարթնել եմ ու որոշել կուսակցություն բացել: Եթե  դա Ձեզ համար խաղուպար է, ինձ համար`ոչ: Ես չեմ կարող հանգիստ լինել, երբ  իմ երկրում այսպիսի վիճակ է»,- ասաց ՌԴ հայերի միության նախագահը:

Արա Աբրահամյանի խոսքով`ինքը որոշել է ծրագիր կազմել` օգնելու հայ ազգին: «Եթե ես ծրագիրը կազմեմ, թիմ ունենամ, միջազգային քաղաքական ուժ  լինի, միայն մարտին կկայացնեմ իմվերջնական որոշումը`կմասնակցե՞մ ընտրություններին»,- ասաց պրն Աբրահամյանը:

Ինչ վերաբերում է այն հարցին, որ  Ա. Աբրահամյանը ՀՀ քաղաքացի չէ, չի բնակվում ՀՀ-ում, ասաց, որ ինքն ունի 250-300 իրավաբաններ, որոնք աշխատում են իր հետ: «Ես ՀՀ քաղաքացի եմ, Մալիշկա գյուղից: Ես 18  անգամ տարվա մեջ  գալիս եմ  Հայաստան: Ես կգործեմ միայն իրավաբանական դաշտում կլինեմ: Խոսքն իմ նախագահ կամ վարչապետ լինելու մասին չէ, այլ ներդրումներ անել Հայաստանում»,-եզրափակեց  պրն Աբրահամյանը:

ՍՈՆԱ ԴԱՎԹՅԱՆ