ԶԻՆՎՈՐԻ ՄԱՅՐ ««Գլենդել Հիլզի» սեփականատերերը իմ ու իմ նմանների վճարած գումարների հաշվին` օր- օ

ԶԻՆՎՈՐԻ ՄԱՅՐ ««Գլենդել Հիլզի» սեփականատերերը

իմ ու իմ նմանների վճարած գումարների հաշվին` օր-

օրի հարստանում են»

Այսօր «Իրավունք» թերթի խմբագրություն էր դիմել թերթի մշտական ընթերցող, Կապան քաղաքի զինվորի մայր Սուսաննա Խաչատրյանը: Տիկին Սուսաննան վրդովված եւ միառժամանակ անհույս վիճակում է գտնվում, ինչպես ինքն է ասում.««Գլենդել Հիլզի» ղեկավարության ապատասխանատու գործողությունների շհնորհիվ ես զրկվել եմ իմ սեփական բնակարանը ստանալուց, (որի համար բնակարանի արժեքի կեսից ավելին արդեն մուծված է), եւ արդեն երեք տարի է ապրում եմ վարձով: Իսկ «Գլենդել Հիլզի» սեփականատերերը իմ ու իմ նմանների վճարած գումարների հաշվին` օր-օրի հարստանում են, իսկ մեզ` քաղաքացիներիս, վարպետորեն յոթ տարի էսօր-էգուց անելով խաբում են»:

Անդրադառնալով նախապատմությանը զրուցակիցս հուզմունքը մի կերպ զսպելով պատմեց.

- 2008թվականի մայիս ամսից «Գլենդել Հիլզի» հետ պայմանագիր է եմ կապել` բնակարան գնելու նպատակով: Պայմանը այսպես էր. 2008 թվականից մինչեւ 2011թվականի նոյեմբերի 30-ը բնակարանի վճարումները ամեն ամիս պետք է կատարեի, որից հետո բնակարանը կստանամ: Հերթականությամբ, առանց որեւէ ուշացման, 42 ամիս գումարը վճարել եմ, բայց այդ վճարումներից հետո ինձ բնակարան չտրամադրեցին: Բայց ես իմ վճարումները շարունակել եմ, ավելին, եթե նախորդ 42 ամիսներին ես վճարում էի ֆիքսված` 184 հազար դրամ, ապա դրանից հետո վճարում էի յուրաքանչյուր ամիս 200-300 հազար: Այլ խոսքով վճարել եմ բնակարանիս արժեքի մոտ 63 տոկոսը, բայց բնակարանի երես մինչ օրս չեմ տեսել:

Հ.Գ. Թե ինչպես են յոթ տարի զինվորի մոր, ինչպես ինքն է մեզ հետ զրույցում ասում.«փափուկ բարձ դրել գլխի տակ», եւ, թե ինչ է այսօր պահանջում «Գլենդել Հիլզի» ղեկավարության կողմից խաբված քաղաքացին, որտեղ է դիմել իր շահերի պաշտպանության համար կարդացեք «Իրավունքի» առաջիկա տպագիր համարում:

ԻԼՈՆԱ ԱԶԱՐՅԱՆ