«Քիչ, թե շատ ուղեղ ունեցող մարդը կհասկանա», որ ՀՀԿ-ն ու արաաբրահամյանական «ՀՀԿ»-ն տարբեր են

«ՔԻՉ, ԹԵ ՇԱՏ ՈՒՂԵՂ ՈՒՆԵՑՈՂ ՄԱՐԴԸ ԿՀԱՍԿԱՆԱ», ՈՐ ՀՀԿ-Ն ՈՒ ԱՐԱԱԲՐԱՀԱՄՅԱՆԱԿԱՆ «ՀՀԿ»-Ն ՏԱՐԲԵՐ ԵՆ

Ինչպես արդեն նշել է «Իրավունքը», Ռուսաստանի հայերի միության նախագահ Արա Աբրահամյանը, ով նաեւ Համաշխարհային հայկական կոնգրեսի նախագահն է, իր կառույցի համար` որպես հապավում, օգտագործում է ՀՀԿ-ն: Իսկ թե ինչպե±ս են վերաբերվում ՀՀԿ-ականները, որ ՀՀԿ-ի անվան տակ գործում է հայաստանյան քաղաքական դաշտում իր համար տաքուկ անկյուն փնտրող Ա. Աբրահամյանը, պարզեցինք ԱԺ ՀՀԿ խմբակցության պատգամավոր ՄԱՆՎԵԼ ԲԱԴԵՅԱՆԻ տեսակետը.

– Կարծում եմ, որ սա ընդամենը զուգադիպություն է, եւ հետին մտքեր չի ունեցել այդ մարդը: Մանավանդ որ, Հանրապետական կուսակցության եւ Համաշխարհային հայկական կոնգրեսի գործառույթները բացարձակապես տարբեր են: Ավել ոչինչ հնարավոր չէ դրա հետեւում տեսնել:

– Այնուամենայնիվ, ըստ Ձեզ, արդյո՞ք մեկը մյուսի քաղաքական գործունեությանը չի խանգարի:

– Բացարձակապես, որովհետեւ դրանցից որեւէ մեկը` Հանրապետական կուսակցությունը կամ Համաշխարհային հայկական կոնգրեսը, մյուսի հետ չի առնչվում: Քիչ, թե շատ ուղեղ ունեցող մարդը կհասկանա, որ դրանք լրիվ տարբեր են: Կարող է պատահել, որ սա անուղեղների համար խնդիրներ հարուցի:

ՀՐԱՆՏ ՍԱՐԱՖՅԱՆ

Հ.Գ.- Հավելենք, որ «Իրավունքի» հրապարակումը խիստ հուզել է քոչարյանական ուժերին, որոնց կողմից մշակված շատ լուրջ ծրագիրը, կարծես թե, հենց այս պատճառով ի չիք է դարձել: