ԴԱՇՆԱԿՆԵՐԻ ԿՈՂՄԻՑ ԲՌՆՈՒԹՅԱՆ ԵՆԹԱՐԿՎԵԼՈՒ ՄԱՍԻՆ ՀԱՅՏԱՐԱՐՈՒԹՅՈՒՆՆ ՊԱՏԳԱՄԱՎՈՐՆ ԱՆԼՈՒՐՋ Է ՀԱՄԱՐՈՒՄ

ԴԱՇՆԱԿՆԵՐԻ ԿՈՂՄԻՑ ԲՌՆՈՒԹՅԱՆ ԵՆԹԱՐԿՎԵԼՈՒ ՄԱՍԻՆ ՀԱՅՏԱՐԱՐՈՒԹՅՈՒՆՆ ՊԱՏԳԱՄԱՎՈՐՆ ԱՆԼՈՒՐՋ Է ՀԱՄԱՐՈՒՄ

Մոտ մեկ շաբաթ առաջ ակտիվիստ Վարդան Հարությունյանը հայհոյախառն հարց էր ուղղել ՀՅԴ պատգամավորի Արծվիկ Մինասյանին եւ վիրավորական կարծիք հայտնել Դավիթ Շահնազարյանի մասին:

Մասնավորապես, ակտիվիստը դաշնակցական գործչից հարցրել էր. « «Պարոն Մինասյան, ձեր գործընկեր եւ գաղափարական ընկեր Արմեն Ռուստամյանը ԱԺ-ում մի անգամ Հրայր Թովմասյանին ասաց «չ....խ», չեք համարո՞ւմ, որ «չ....խ»-ի գրած Սահմանադրությանը «կողմ» քվեարկելով դուք էլ եք «չ....խ-անում»:

Ակտիվիստն իր  հայտարարությունից երկու օր անց գրել էր, որ դաշնակներն իր նկատմամբ բռնություն են կատարել: Ակտիվիստը տալիս է  «Նիկոլ Աղբալյան» ուսանողական միության անունը: «Իրավունք»-ը փորձեց  կապ հաստատել «Նիկոլ Աղբալյան» ուսանողական միության  վարչության պետ Ռուսլան Բարսեղյանի հետ` պարզելու, թե միջադեպի հետ միությունը որեւէ կապ ունի՞, սակայն պրն Բարսեղյանի հեռախոսահամարն անհասանելի էր: ՀՅԴ խմբակցության  պատգամավոր Արծվիկ Մինասյանն էլ այդ հայտարարություններն անլուրջ համարեց ու չմեկնաբանեց այն:

Տեղեկացնենք, որ ՀՀ ոստիկանության Արաբկիրի բաժնում նյութեր են նախապատրաստվում ՀՅԴ խմբակցության պատգամավորին սկանդալային հարց տված ակտիվիստի հայտարարության եւ մամուլի հրապարակումների հիման վրա:

ՍՈՆԱ ԴԱՎԹՅԱՆ