ՀՀԿ ՊԱՏԳԱՄԱՎՈՐԸ` «ՈՉ»-Ի ՃԱԿԱՏԻՆ. « ՊՐԻՄԻՏԻՎ Է, ՉԻ ԿԱՐԵԼԻ ԱՆԸՆԴՀԱՏ ՆՈՒՅՆ ՓՈՑԽԻ ՎՐԱ ԿԱՆԳՆԵԼ»

ՀՀԿ ՊԱՏԳԱՄԱՎՈՐԸ` «ՈՉ»-Ի ՃԱԿԱՏԻՆ. « ՊՐԻՄԻՏԻՎ Է,

ՉԻ ԿԱՐԵԼԻ ԱՆԸՆԴՀԱՏ ՆՈՒՅՆ ՓՈՑԽԻ ՎՐԱ ԿԱՆԳՆԵԼ»

Քաղաքական գործիչ, նախկին պատգամավոր Ազատ Արշակյանն այսօր լրագրողների հետ զրույցում ասաց, որ դեմ է  սահմանադրական բարեփոխումներին, քանի որ նոր սահմանադրությամբ դատավորներն ու դատարաններն անկախ չեն:  «Կցանկանայի «այո» ասել, բայց չեմ կարող հենց այս դրույթի պատճառով: Համ էլ իշխանությանը մոտ կլինեի»,- կես կատակ, կես լուրջ ասաց քաղաքական գործիչը:

ԱԺ Գիտության կրթության հանձնաժողովի նախագահ Արտակ Դավթյանի  խոսքով էլ  իշխանության համար սահմանադրական բարեփոխումների անցկացումը կենաց-մահու խնդիր չէ: «Կասի քաղաքացին` այո նոր սահմանադրութանը, լավ, չի ասի` այո, կհարգենք նրա խոսքը»,- ասաց իշխող կուսակցության ներկայացուցիչը:

Անդրադառնալով քաղաքացիական անհնազանդության կոչեր հնչեցնող «Ոչ»-ի ճակատին` ՀՀԿ պատգամավորի խոսքով`եթե գործող օրենսդրական դաշտի շրջանակներում են, թող ընտրեն, իսկ եթե պայքարի միջոցներն օրենքի շրջանակից դուրս են, դա արդեն իրավապահների խնդիրն է: «Չի կարելի անընդհատ նույն փոցխի վրա կանգնել: Ինչ կապ ունի հանրաքվեն ու իշխանափոխությունը: Կարծում եմ` իշխանափոխության իրենց պահանջն անիրականանալի է: Ասել, որ սահմանադրական բարեփոխումներն արվում են իշխանության վերարտադրության համար, պրիմիտիվ է»,- ասաց Արտակ Դավթյանը:

ՍՈՆԱ ԴԱՎԹՅԱՆ