ՆԱԻՐԱ ԶՈՀՐԱԲՅԱՆ. «ԴԵՌ ՊԱՐԶ ՉԷ`ՈՎ Է ՂԵԿԱՎԱՐԵԼՈՒ ԲՀԿ-Ի «ԱՅՈ»-Ի ՇՏԱԲԸ»

ՆԱԻՐԱ ԶՈՀՐԱԲՅԱՆ. «ԴԵՌ ՊԱՐԶ ՉԷ`ՈՎ Է

ՂԵԿԱՎԱՐԵԼՈՒ ԲՀԿ-Ի «ԱՅՈ»-Ի ՇՏԱԲԸ»

ԲՀԿ  պատգամավոր Միքայել Մելքումյանը օրեր  առաջ հայտարարել է, որ  ԲՀԿ-ն ինքնուրույն  կանցկացնի իր քարոզարշավը սահմանադրական բարեփոխումների համար:

Հիշեցնենք` ԲՀԿ-ն այն կուսակցությունն է, որն ԱԺ-ում հոկտեմբերի հինգին  կողմ քվեարկեց նոր սահմանադրության օգտին:

Ո՞վ է ղեկավարելու ԲՀԿ-ի շտաբը, ԲՀԿ ո՞ր պատգամավորներն են լինելու  ակտիվ  նոր սահմանադրությունը քարոզելու համար, պարզեց «Իրավունք»-ը ԲՀԿ առաջորդ Նաիրա Զոհրաբյանից:

- Տիկին Զոհրաբյան,  ԲՀԿ-ում որոշվե՞լ է` ով է ղեկավարելու «Այո»-ի շտաբը:

- Դեռեւս չենք քննարկել շտաբի ղեկավարման հարցը, քանի որ  չեմ համարում դա կարեւոր խնդիր: Մենք ունենք քաղաքական թիմում խոսնակներ, հանրության համար ընկալելի դեմքեր, որոնք կներկայացնեն մեր մոտեցումն ու տեսակետը:

- Հնարավո՞ր է դուք ղեկավարեք շտաբը:

- Չեմ կարծում: Շտաբի ղեկավարի աշխատանքն ավելի տեխնիկական-կազմակերպչական է, հետեւաբար չեմ կարծում` կարիք կա, որ շտաբը ես ղեկավարեմ:

- Կարո՞ղ ենք այս  քարոզարշավը համարել անուղղակի մեկնարկ գալիք խորհրդարանական ընտրությունների:

Անկեղծ ասած, ես  ակնհայտ կապ չեմ տեսնում խորհրդարանական  ընտրությունների եւ հանրաքվեի միջեւ, քանի որ հանրային ընկալումը Սահմանադրության փոփոխությանը եւ   խորհրդարանական ընտրություններին տարբեր է: ԱԺ ընտրություններին  հանրությունն իր քվեն տալիս  է իր նախապատվելի քաղաքական ուժին, իսկ այս դեպքում սահմանադրական փոփոխությունների փաթեթն է, որը պետք է կարողանաս հստակ ներկայացնել ժողովրդին: Մարզային մեր այցերը շուտով կավարտվեն: Մնացել է Տավուշի մարզը, որտեղ էլ առաջիկայում կայցելենք: Եթե անկեղծ լինեմ, հանրության համար դեռ տեսանելի չեն, թե  առաջարկվող նախագծով  համակարգային ինչ փոփոխություններ են լինելու: Հանրությանը հետ այս առումով լուրջ  աշխատանք պետք է  տանել:

Մանրամասները`«Իրավունք»-ի 23.10.2015 թ-ի համարում:

ՍՈՆԱ ԴԱՎԹՅԱՆ