ՏԵՂԻ ԿՈՒՆԵՆԱ ԲԱՐԵԳՈՐԾԱԿԱՆ ՀԱՄԵՐԳ

ՏԵՂԻ ԿՈՒՆԵՆԱ ԲԱՐԵԳՈՐԾԱԿԱՆ ՀԱՄԵՐԳ

Սույն թվականի հոկտեմբերի 24-ին, ժամը 16-00- ից մինչ 20-00 տեղի կունենա բարեգործական համերգ և բարեգործական ցուցահանդես-վաճառք Ա. Բաբաջանյանի անվան դահլիճում (Աբովյան 2): Համագործակցության, մասնակցության կամ աջակցության և օգնությունների համար խնդրում ենք դիմել' [email protected], կամ զանգահարեք` 096-481632: Ֆինասական աջակցության համար՝ հաշվեհամար. հայԷկոնոմբանկ 163008124162:

Համերգին աջակցության կարգով մասնակցում են` <Full House> խմբի անդամները հանձինս Միհրան Ծառուկյանի: Այնուհետ` Գայանե Գրիգորյան` ասմունք <Ես իմ անուշ Հայաստանի>, Սայաթ Նովա, Հակոբ Խեչումյան, <Վասպուրական>,<Լիբերտի> կվարտետ և այլն: Համերգից հավաքված օգնությունները և աջակցությունները տեղում կբաշխվի զոհված կամ հաշմված ազատամարտիկների ընտանիքներին, բազմազավակ ընտանիքներին, հաշմանդամություն ունեցող ընտանիքներին, միայնակ ծերերին և անապահով ընտանիքներին:

Մեր կազմակերպությունը ստեղծված է օգնելու և աջակցելու Հայաստանում խոցելի խավերն, սակայն ցավոք մեր կազմակերպության ֆինանսական միջոցները սուղ են, այդ իսկ պատճառով կազմակերպել ենք սույն համերգը, և հույս ունենք ստանալու Ձեր աջակցությունը ևս հանդես գալով որպես մեր կողմից կազմակերպված համերգի հովանավորներից մեկը:

Ցավոք այսօր այնքան շատ  են  անապահով  ընտանիքների  քանակը, որ միայն մեր  առօրյա գործունեությունը  բավական չէ, և մենք  մտածել  ենք  կազմակերպել այս  համերգ-ցերեկույթը, որի  ժամանակ  կկայանա նաև այդ  իսկ  ընտանիքների անդամների կողմից  պատրաստված ձեռքի  աշխատանքների ցուցահանդես-վաճառքը, որից գոյացած  գումարը ևս կօգնի մի փոքր թեթևացնելու այդ ընտանիքների ֆինանսական և  նյութական վիճակը:

Սույն նամակով դիմում ենք Ձեզ, հուսալով Ձեր մասնակցությունը մեր միջոցառմանը Ձեր աջակցությունը  ներդրումների և բազմաբնույթ այլ օգնությունների տեսքով:

Մեր  կազմակերպությունում  ընդգրկված  են`

1. Զոհված կամ հաշմանդամ ազատամարտիկների ընտանիքներ:
2. Հաշմանդամություն ունեցող երեխաներ, ծերեր:
3. Բազմազավակ ընտանիքներ:
4. Միայնակ թոշակառուներ:
5. Միայնակ մայրեր:
6. Բազմազավակ ընտանիքներ:
7. Անապահով ընտանիքներ:
8. Փախստականներ (ինչպես Բաքվից ու Սումգայիթից, այնպես էլ այսօրյա Սիրիայից):

Եվ այլ  նմանատիպ ընտանիքներ, որոնք այսօր էլ դեռ ունեն Ձեր եւ մեր կարիքը:

Համերգը լուսաբանվելու է 7 հեռուստաընկերությունների կողմից, իսկ հետագայում այն գտնվելով կազմակերպության պահոցներում, ամեն անգամ ներկայացվելու է յուրաքանչյուր ցանկացողի, ով կլինի հետաքրքրված մեր գործունեությամբ, և բնականաբար յուրաքանչյուրը կլինի ինֆորմացված նաև Ձեր մասնակցության մասին:

Կանխավ հայտնում ենք մեր խորհին շնորհակալությունը: Խորին Հարգանքներով <Շողակն> բարեգործական հասարակական կազմակերպություն: