ՀԱՅԱՍՏԱՆՅԱՆ ՆԵՐԿԱՅԱՑՈՒՑՉԻ ԱՌԱՋԻՆ ՓՈՐՁԸ` «ՄԱՆԿԱԿԱՆ ԵՎՐԱՏԵՍԻԼԻ» ԲԵՄՈՒՄ (տեսանյութ)

ՀԱՅԱՍՏԱՆՅԱՆ ՆԵՐԿԱՅԱՑՈՒՑՉԻ ԱՌԱՋԻՆ ՓՈՐՁԸ` «ՄԱՆԿԱԿԱՆ ԵՎՐԱՏԵՍԻԼԻ» ԲԵՄՈՒՄ (տեսանյութ)

«Մանկական Եվրատեսիլ-2015» երգի միջազգային հեղինակավոր մրցույթն այս տարի կանցկացվի նոյեմբերի 21-ին Բուլղարիայի մայրաքաղաք Սոֆիայում, Discover` բացահայտի՛ր նշանաբանով:

Մրցույթի հայաստանյան ներկայացուցիչ Միկան` Միքայել Վարոսյանը, իր մրցութային «LOVE» երգով հանդես կգա համերգային երկրորդ հատվածում, 11-րդ համարի ներքո: Հայաստանի պատվիրակությունն արդեն Բուլղարիայում է:Ավելին  այսօր արդեն կայացել է առաջին փորձը: Այդ մասին կարող եք հետեւել տեսանյութում:

Իսկ մինչ մեկնելը լրագրողների հետ ունեցած հանդիպմանը Միկան ասաց, որ լսել է բոլոր երկրների ներկայացուցիչների երգերը եւ կարծում է` այս տարի թեժ մրցակցություն եւ հետաքրքիր շոու է լինելու: Թեեւ մեր փոքրիկ պատվիրակը չցանկացավ բացել մրցույթին իր ելույթի մանրամասները, բայց վստահեցրեց լինելու է ուրախ, գունեղ եւ պայծառ շոու:

Բեմում Միկայի հետ կլինեն երեք բեք վոկալներ` փոքրիկ կուպիդոնի երեք մուսաները: «Արդեն երեք տարի է մասնակցում եմ «Եվրատեսիլի» նախընտրական փուլերին ու այս տարի իրականացավ իմ երազանքը, դրա համար անհամբեր սպասում եմ ելույթիս»:

Այս տարի մրցույթին մասնակցում է 17 երկիր` Հայաստան, Ալբանիա, Բելառուս, Բուլղարիա, Մակեդոնիա, Վրաստան, Իռլանդիա, Իտալիա, Մալթա, Մոնտենեգրո, Ռուսաստան, Սերբիա, Սլովենիա, Նիդեռլանդներ, Ուկրաինա, Սան Մարինո, Ավստրալիա:

ԼԻԼԻԹ ԵՂԻԱԶԱՐՅԱՆ