«ՈՉ»-Ն ԱՐԴԵՆ ՀԱՂԹԱՆԱԿ Է ՏՈՆՈՒՄ ԵՎ ՀԻՇՈՒՄ ՎԱՆՈ ՍԻՐԱԴԵՂՅԱՆԻՆ

«ՈՉ»-Ն ԱՐԴԵՆ ՀԱՂԹԱՆԱԿ Է ՏՈՆՈՒՄ ԵՎ ՀԻՇՈՒՄ

ՎԱՆՈ ՍԻՐԱԴԵՂՅԱՆԻՆ

Այսօր քաղաքագետների միությունում տեղի ունեցավ քննարկում սահմանադրական բարեփոխումների մասին: Քննարկմանը ներկա էին ոչ միայն «Ոչ»-ի ճակատի ներկայացուցիչներ, այլեւ ՀՀ-ում գործող օտարերկրյա դեսպանության ներկայացուցիչներ: Ընդ որում` հետաքրքիր էր, որ քննարկմանը մասնակցում էին Իրաք, Բուլղարիա, Ռուսաստանի դեսպանությունների ներկայացուցիչները: Ուշադրություն դարձնենք, առաջին երկու պետություններում ակտիվ է թուրքական տարրը , երկու պետությունները չեն ճանաչել Հայոց ցեղասպանությունը եւ այդքան էլ բարեկամաբար տրամադրված չեն Հայաստանի հանդեպ: Իսկ Ռուսաստանը, որպես ՀՀ-ի դաշնակից, հետեւում է Հայաստանում ընթացող գրեթե բոլոր իրադարձություններին:

Ինչպես միշտ, «Ոչ»-ի ճակատի ներկայացուցիչները պնդեցին` չկա սահմանադրական բարեփոխումների  անհրաժեշտություն, ապա խոսեցին նաեւ իշխանափոխության անհրաժեշտության մասին:

ՀԱԿ խմբակցության ղեկավար Լեւոն Զուրաբյանը, ով նաեւ ՀԱԿ-ի եւ ՀԺԿ-ի միասնական շտաբի ղեկավարն է, ասաց, որ իրեն իշխանական էշելոններից տեղեկություններ են հասել, որ «այո»-ի քարոզչությունն արդեն ձախողված է, ավելին` վարչական ռեսուրսը չի աշխատում այլեւս: Հետեւաբար, «ոչ»-ը հաղթել է քարոզչության դաշտում:

«Իշխանությունն ընտրակաշառք չի բաժանելու»,- վստահեցրեց Լեւոն Զուրաբյանը:

Ի դեպ, իր ելույթի ընթացքում ՀԱԿ խմբակցության ղեկավարը հիշեց նաեւ Վանո Սիրադեղյանին. «Ինչպես կասեր Վանո Սիրադեղյանը, իշխանության էշալոններ»:

Քննարկմանը չէին կարող չանդրադառնալ երեկ ԱԱԾ-ի կողմից վնասազերծված խմբավորմանը, սակայն,քաղաքագետ Հմայակ Հովհաննիսյանը չգիտես ինչու հայտարարեց, որ  դա իշխանության կողմից կազմակերպված մասկի շոու է, որի հետ ընդդիմությունը կապ չունի: Ինչ-ինչ, բայց այս ընդդիմության մոտ մասկի շոուները բավականին լավ են ստացվում, իսկ թե ինչու են իրենց փեշակը իշխանություններին վերագրում դա էլ հավանաբար պաշտպանվելու մի տարբերակ է:

Հ.Գ. Ինչ-ինչ, բայց այս ընդդիմության մոտ մասկի շոուները բավականին լավ են ստացվում, իսկ թե ինչու են իրենց փեշակը իշխանություններին վերագրում դա էլ հավանաբար պաշտպանվելու մի տարբերակ է: Քանի դեռ ընթանում է քննություն, ոչ ոք չի կարող հստակ ասել` ում կողմից եւ ինչ նպատակով  էր ստեղծվել  խմբավորումը: Այնպես որ դեռ վաղ է որեւէ հայտարարություն անել: Իսկ եթե տրամաբանորեն դիտարկենք, հիմա` սահմանադրական բարեփոխումների հանրաքվեի քարոզարշավում, հազիվ թե իշխանությունը ցանկանար խժդժություն: Իսկ եթե ընդդիմությանը «մեկուսացնելու» փորձ արվեր եւ դեկտեմբերի մեկին կանխել քաղաքացիական անհնազանդությունը փորձը, պարզապես մասսայական անկարգություններ թույլ չտալու հիմնավորմամբ ժամանակավորապես կմեկուսացվեին նախաձեռնության կազմակերպիչներին, ինչը դա արվեց այս տարվա մարտ-ապրիլ ամիսներին, երբ Սեֆիլյանի ղեկավարած «Նոր Հայաստան» շարժումը պետք է հանրահավաք աներ:

ՍՈՆԱ ԴԱՎԹՅԱՆ