Իրաքը կասկածում է ԱՄՆ-ին «Իսլամական պետության» հետ համագործակցելու մեջ. Washington Post

Արխիվ 12-16 2 Դեկտեմբեր, 2015 10:28

Իրաքը կարծում է, որ ԱՄՆ-ն համագործակցում է «Իսլամական պետության» հետ, որպեսզի վերահսկի Մերձավոր Արեւելքը, հայտնում է Gazeta-ն՝ վկայակոչելով The Washington Post-ը։

Իրաքի զինվորականների խոսքով՝ իրենք բազմիցս տեսել են, թե ինչպես են ամերիկյան ուղղաթիռները գրոհայիններին զենք մատակարարում։ Իրաքի քաղաքացիները հաստատում են այդ տարբերակը եւ հայտնում են, որ իրենց ընկերները եւ հարազատները նույնպես նման դեպքերի ականատես են եղել։

«Դրանում ոչ մի կասկած չկա։ «Իսլամական պետությունը» գրեթե ոչնչացվել է։ Նրանք թուլացել են։ Եթե ամերիկացիները դադարեն նրանց աջակցել, ապա մենք նրանց մի քանի օրում կոչնչացնենք»,- ասել է շիական ջոկատներից մեկի հրամանատար Մուստաֆա Սաադին։

Ամերիկացի զինվորականներն իրենց հերթին մեղադրանքներն հորինված են համարում եւ նշում են, որ դա անգամ պատասխանի արժանի չէ։ Հաղորդվում է, որ 2003թ., երբ ԱՄՆ-ը մտավ Իրաք, հարաբերությունների երկրների միջեւ բարդ են մնում։ Իրաքը դեմ է Մերձավոր Արեւելքում ԱՄՆ-ի միջամտությանը եւ հրաժարվում է նրանց օգնությունից։

Պարբերականը նշում է, որ ԱՄՆ-ի եւ ԻՊ-ի միջեւ պայմանավորվածության մասին հայտարարությունները հաճախ են հնչում իրաքցի քաղաքական գործիչների շուրթերից եւ հայտնվում են նաեւ շիական լրատվամիջոցներում։ Դա խոսում է Իրաքի կառավարությունում պառակտման մասին, որի մի մասը ցանկանում է սերտորեն համագործակցել Իրանի հետ եւ դրա համար ԱՄՆ-ին որպես թշնամի է ներկայացնում։