ՏԱՐՎԱ ԸՆԹԱՑՔՈՒՄ «ԱՆԱՀԻՏ» ՄՈՒԼՏՖԻԼՄԸ ՑՈՒՑԱԴՐՎԵԼ Է ՀԱՅԱՍՏԱՆՈՒՄ, ԱՐՑԱԽՈՒՄ ԵՎ ՖՐԱՆՍԻԱՅՈՒՄ
Արխիվ 12-16
ՏԱՐՎԱ ԸՆԹԱՑՔՈՒՄ «ԱՆԱՀԻՏ» ՄՈՒԼՏՖԻԼՄԸ ՑՈՒՑԱԴՐՎԵԼ Է ՀԱՅԱՍՏԱՆՈՒՄ, ԱՐՑԱԽՈՒՄ ԵՎ ՖՐԱՆՍԻԱՅՈՒՄ
Մուլտիպլիկատոր, ռեժիսոր ԴԱՎԻԹ ՍԱՀԱԿՅԱՆՑՆ ամփոփելով տարին փաստեց, որ 2015 թվականը շատ բուռն էր ու հետաքրքիր: Ամբողջ տարվա ընթացքում «Անահիտ» մուլտֆիլմը ցուցադրվել է Հայաստանի տարբեր մարզերում, Արցախում`Շուշիում, Ստեփանակերտում, Մարտակերտում եւ Ֆրանսիայի չորս քաղաքներում: Բացի այդ, սկսել են նոր ֆիլմի նկարահանման աշխատանքները.«Նոր «Օլիմպիկոս» ֆիլմը պատրաստ կլինի երեք տարի անց: Այն պատմում է օլիմպիական խաղերում Վարազդատ արքայի հաղթանակի մասին: Ավարտին ենք հասցնում նաեւ Վ. Փափազյանի համանուն հեքիաթի հիման վրա նկարահանված «Կլոր աստվածներ» կարճամետրաժ ֆիլմը»,-լրագրողների հետ հանդիպման ժամանակ նշեց Դ. Սահակյանցը: Անդրադառնալով հաջորդ տարվա ծրագրերին մուլտիպլիկատորը տեղեկացրեց, որ 2016 թվականին վերանորոգումից հետո կբացվի իրենց նոր կենտրոնը, որտեղ կլինի կինոդահլիճ, կպատրաստվեն հատուկ ծրագրեր Խորհրդային, ժամանակակից եւ արտասահմանյան անիմացիայի վերաբերյալ.«Հաջորդ տարի պլանավորել ենք նկարահանել նաեւ «Կիլդիմներ» շարքի երկու նոր սերիաներ: Իրավիճակը շատ է թեժացել եւ այսօր սահմանին ունենում ենք զոհեր, ինչը մեզ կանգնեցրեց: Որոշեցինք, որ գուցե ժամանակը չէ, չցանկացանք ծաղրել այն վիճակը, որն այսօր տիրում է սահմանին»,-եզրափակեց Դավիթ Սահակյանցը:
ԶՎԱՐԹ ԽԱՉԱՏՐՅԱՆ
1
31377 դիտում
2
11191 դիտում
3
2914 դիտում
4
1739 դիտում
5
1661 դիտում
