ԱՆԿԱ. ՁՄԵՌ ՊԱՊԻԿԻՆ ՀԱՎԱՏՈՒՄ ԵՄ, ԱՆՊԱՅՄԱՆ ՆԱՄԱԿ ԿԳՐԵՄ ՆՐԱՆ

ԱՆԿԱ. ՁՄԵՌ ՊԱՊԻԿԻՆ ՀԱՎԱՏՈՒՄ ԵՄ, ԱՆՊԱՅՄԱՆ ՆԱՄԱԿ ԿԳՐԵՄ ՆՐԱՆ

Ռադիոհաղորդավարուհի ԱՆԿԱՅԻ՝ ԱՆԻ ՍԱՐԻԲԵԿՅԱՆԻ համար 2015 թվականը եղել է ձեռքբերումներով լի տարի: Տարվա ընթացքում Անկան հասցրել է ոչ միայն փոխել իր հաղորդման ձեւաչափը, այլեւ նկարահանվել գեղարվեստական ֆիլմում:<<Իրավունքի>> հետ զրույցում ռադիոհաղորդավարուհին  խոսեց իր հաջողություններից եւ մանրամասնեց 2016 թվականի ծրագրերը.<<Նպատակներիս մեծ մասը 2015 թվականին կարողացա իրականացնել: Նախ փոխվեց իմ հաղորդման ձեւաչափը, ինչը կարծում եմ իմ ուկնդիրներն ավելի են հավանում: Այն ավելի ինտերակտիվ է դարձել, ունենում ենք հյուրեր, ովքեր իրոք տարվա ընթացքում կարողացել են նշանակալից գործ անել>>,- նշեց Անկան:

<<ՈւԶՈՒՄ ԵՄ, ԱՅՆ ԱՇԽԱՐՀԸ ՈՐՏԵՂ ԱՊՐՈՒՄ ԵՄ ԽԱՂԱՂ ԼԻՆԻ>>

-Հաջորդ տարուց ավելի մեծ ակնկալիքներ ունեմ: Սովորաբար հորոսկոպի նշաներից չէ, որ սպասում եմ ինչ-որ բաներ, ակնկալիքներ ունեմ ինձանից ու իմ աշխատանքից, այն թիմից, որտեղ այժմ աշխատում եմ: Ամենամեծ երազանքս այն է, որ աշխարհում խաղաղություն լինի, խաղաղ լինեն մեր սահմանները: Մեր ունեցած խնդիրները շատ չնչին են, իսկ այն ինչ սահմանին կատարվում է՝ ավելի մեծ խնդիր է: Ուզում եմ, այն աշխարհը, որտեղ ապրում եմ խաղաղ լինի:

<<ՀԱՎԱՏՈՒՄ ԵՄ ՁՄԵՌ ՊԱՊԻԿԻՆ>>

-2016 թվականին ցանկանում եմ ավելի շատ ծրագրեր վարել, կփորձեմ իրականացնել շատ նպատակներ եւ արդարացնել մարդկանց սպասելիքները: Այսօր շատ առաջարկներ կան ֆիլմերում նկարահանվելու համար, բայց ինձ համար ռադիոն ամենակարեւորն է: Չնայած, եթե տեսնեմ առաջարկած դերն իսկապես ինձ համար է, անպայման կփորձեմ: Հնարավոր է, որ հաջորդ տարի ինձ տեսնեն հարսնացուի կարգավիճակում: Ձմեռ Պապիկին հավատում եմ, անպայման նամակ կգրեմ նրան, վստահ եմ, որ նա իմ ցանկությունը կիրականացնի, հրաշքների միշտ հավատացել եմ: Արդեն հաջորդ տարի կասեմ, թե նա ինձ ինչ նվեր է բերել: Երկար տարիներ Ամանորը տանը չեմ նշել, իսկ այս տարի ինձ համար բացառություն է, 2016-ը կդիմավորեմ տանը՝ընտանիքիս հետ միասին:

Շնորհավորում եմ բոլորի Ամանորը եւ մաղթում, որ մարդիկ խաղաղ լինեն իրենք իրենց հետ, եթե մարդն իր հետ հաշտ ու խաղաղ լինի, ապա նրան շրջապատող աշխարհը խաղաղ կլինի: Այսօր աշխարհն իրոք սիրո պակաս ունի, բոլորին սեր եմ մաղթում:

ԶՎԱՐԹ ԽԱՉԱՏՐՅԱՆ