ՄԵՐՁԱՎԱՆՈՒՄ ԱՌԱՋԻՆ ԱՆԳԱՄ ՏԵՂԻ ՈՒՆԵՑԱՎ ԱՄԱՆՈՐՅԱ ՏՈՆԱԿԱՏԱՐՈՒԹՅՈՒՆ

ՄԵՐՁԱՎԱՆՈՒՄ ԱՌԱՋԻՆ ԱՆԳԱՄ ՏԵՂԻ ՈՒՆԵՑԱՎ ԱՄԱՆՈՐՅԱ ՏՈՆԱԿԱՏԱՐՈՒԹՅՈՒՆ

Այս տարի առաջին անգամ Մերձավան համայքնում Ամանորի նախօերին տեղի ունեցավ ամանորյա մեծ տոնակատարություն, որը համախմբել էր համայնքի գրեթե բոլոր բնակիչներին: Առաջին անգամ Մերձավանի փոքրիկները ոչ միայն ուրախացան հեքիաթի իրենց սիրելի հերոսների հետ, այլեւ ամանորյա նվերներ ստացան ձմեռ պապիկից եւ ձյունանուշից: Տոնակատարությունից անմասն չմնացին նաեւ մեծահասակները: Նախաձեռնության հեղինակ  ԳԱԳԻԿ ԱԽՏՈՅԱՆԻ խոսքով՝ տոնական միջոցառումը նախատեսված էր վաղուց.<<Դեռեւս ապրիլին համայնքի գլխավոր հրապարակում բացվեց հուշարձան՝ նվիրված Հայոց ցեղասպանության անմեղ զոհերի հիշատակին: Որոշ չափով բարեկարգեցինք նաեւ այգին, որպեսզի կարողանանք Տերմուտին այսպիսի ուրախություն պարգեւել մեր բնակիչներին>>,-<<Իրավունքի>> հետ զրույցում նշեց Գ. Ախտոյանը: Ըստ նրա, միջոցառումները կլինեն շարունակական. <<Նման տոնակատարություն մենք չտեսանք, գոնե մեր երեխաներն ու թոռները տեսնեն: Ցանկանում եմ, որ նմանօրիակ նախաձեռնությունները վարակիչ լինեն, որպեսզի բոլորը տեսնեն ու սովորեն: Խոստանում եմ, որ հաջորդ տարի նույն այս հրապարկում կրկին տոն կլինի: Սա բնակիչներին համախմբելու մի ձեւ է>>,- ընդգծեց Գագիկ Ախտոյանը եւ շնորհավորելով հայ ժողովրդի գալիք Ամանորը հավելեց. <<Ցանկանում եմ, որ բոլորի օջախներում խաղաղություն լինի, տա Աստված, որ բոլորի նպատկաներն ու երազանքերն իրականություն դառնան>>:

Բարսեղյանների ընտանիքի բոլոր անդամները նույնպես եկել էին տոնական միջոցառմանը մանակցելու՝մեկ օրով գյուղի հոգսաշատ առաօրյայից կտրվելու եւ փոքրիկներին ուրախացնելու համար. <<Այստեղ հարս եմ եկել Գյումրիից, երբեւէ գյուղում Ամանորն այսպես միասնական չենք նշել: Ուրախ եմ, որ կան մարդիկ, ովքեր կարողացան հիանալի անակնկալ մատուցել ոչ միայն փոքրիկներին, այլեւ մեծահասկաներին>>,-նշեց Բարսեղյանների հասը՝Աստղիկը եւ շնորհակալություն հայտնեց Գագիկ Ախտոյանին եւ նրա որդիներին:

Ամանորյա տոնական միջոցառումը երգ ու երաշտության ուղեկցությամբ ավարտվեց մեծ հրավառությամբ:

ԶՎԱՐԹ ԽԱՉԱՏՐՅԱՆ