ՔԱՂԱՔԱԳԵՏ. «ԱԴՐԲԵՋԱՆՈՒՄ ՊԵՏՈՒԹՅՈՒՆ ՉԻ ԱՆԿԱԽԱՑԵԼ, ԱՅԼ ՏԵՂԻ Է ՈՒՆԵՑԵԼ ԲՈՂՈՔԻ ԱԿՑԻԱ»

ՔԱՂԱՔԱԳԵՏ. «ԱԴՐԲԵՋԱՆՈՒՄ ՊԵՏՈՒԹՅՈՒՆ ՉԻ ԱՆԿԱԽԱՑԵԼ, ԱՅԼ ՏԵՂԻ Է ՈՒՆԵՑԵԼ ԲՈՂՈՔԻ ԱԿՑԻԱ»

Օրեր առաջ տեղեկատվություն տարածվեց, որ Ադրբեջանում  նորանկախ հանրապետություն է  հռչակվել: Մի խումբ անձինք Բաքվի ծովածոցում գտնվող Բեյուկ-Զիրյա կոչվող ամայի կղզին հռչակել են Նարգինի հանրապետություն:  «Իրավունք»-ը  քաղաքագետ Հրանտ Մելիք-Շահնազարյանից պարզեց` տեղեկատվությունը որքանով է իրականությանը համապատասխանում եւ  ինչ  ազդեցություն սա կունենա Ադրբեջանի համար:  Ըստ  քաղաքագետի` խոսքը ոչ թե հանրապետության հռչակման, այլ բողոքի ակցիայի մասին է, որի  պատճառը երկրում տիրող սոցիալական վիճակն է:

Նորանկախ հանրապետություն հռչակողները հայտարարվել էին  պետության  ժողովրդավարական  լինելու, զորակոչ ու հարկեր չլինելու մասին: Ավելին`   խոստանում են ձայնի իրավունք տալ բոլոր քաղաքացիներին, իսկ գազը, ջուրը, էլեկտրաէներգիան դարձնել  անվճար:  Հրանտ Մելիք-Շահնազարյանի խոսքով` սրանով բողոքի ակցիայի մասնակիցները ցանկացել են ասել` ինչպիսի պետության մասին են երազում: «Բեյուկ-Զիրյա կոչվող ամայի կղզին չունի ոչ բնակչություն, ոչ էլ ռեսուրսներ`   վերոնշյալ խոստումները կյանքի կոչելու համար: Այնպես որ սա ընդամենը քարոզչական հնարք է`  բողոքն արտահայտելու»,- հիմնավորում է վերլուծաբանը:

Ինչ վերաբերում է Ադրբեջանի ազգային  արժույթի` մանաթի արժեզրկմանը, Հրանտ Մելիք-Շահնազարյանը դժվարացավ ասել`ներքին ու արտաքին կոնկրետ ին չ գործոնների ազդեցության հետեւանք է: «Մի բան, սակայն, հստակ է` ուրախալի է, որ Բաքուն նման խնդիրների առաջ է կանգնած, քանի որ այդ վիճակում նա քիչ  վտանգավոր է  տարածաշրջանի համար»,- եզրափակեց քաղաքագետը:

ՍՈՆԱ ԴԱՎԹՅԱՆ