ՏԱՐՎԱ ԼԱՎԱԳՈՒՅՆ ՓԱՍՏԱԲԱՆ Է ՃԱՆԱՉՎԵԼ ԻՐԱՎԱԲԱՆԱԿԱՆ ԸՆԿԵՐՈՒԹՅԱՆ ՆԱԽԱԳԱՀ ԼԵՎՈՆ ԲԱՂԴԱՍԱՐՅԱՆ
Արխիվ 12-16
ՏԱՐՎԱ ԼԱՎԱԳՈՒՅՆ ՓԱՍՏԱԲԱՆ Է ՃԱՆԱՉՎԵԼ «ԼԵՎ ԳՐՈՒՊ»
ԻՐԱՎԱԲԱՆԱԿԱՆ ԸՆԿԵՐՈՒԹՅԱՆ ՆԱԽԱԳԱՀ ԼԵՎՈՆ
ԲԱՂԴԱՍԱՐՅԱՆԸ
Այսօր «Ազդակ» լրագրողական ակումբում «Լեվ գրուպ» իրավաբանական ընկերության նախագահ Լեվոն Բաղդասարյանը արժանացավ պատվոգրի` «Իրավունք» թերթի կողմից` տարիներ շարունակ դատարաններում եւ արտադատարանական միջոցներով հայ ազգի արժեհամակարգի իրավական հիմքերով ԶԼՄ-ների, լրագրողների ու քաղաքացիներին դրականը քարոզելու, իրավունքները պաշտպանելու համար: Պատվոգիրը հանձնեց «Իրավունք» թերթի գլխավոր խմբագիր Հովհաննես Գալաջյանը:
«Շնորհակալ եմ «Իրավունք» թերթից եւ սա դիտում եմ որպես պարտավորեցնող: Ասեմ ավելին, մենք ականատեսն ենք, թե ինչպես են այսօր մարդկանց գիտակցության մեջ ներմուծվոմ հոգեզուրկ ստանդարտներ, որոնք խարխլում են քաղաքակրթության` ավանդական, ծագումով քրիստոնեական հիմքերը: Տվյալ արժեքների պահպանման գործում իր ուրույն դերակատարությունն ունի 4-րդ իշխանությունը, որի կողքին կանգնած եմ իմ թիմով: Այս հարթության վրա մեր լոզունգն է` «կրոնիս, պատվիս, հայրենիքիս չդիպչես»»:
«Եթե որեւէ հարթության վրա փորձում են ցնցել լրատվամիջոցները, կամ ինչ որ ծրագրերից ելնելով փորձում են սեպ խրել հասարակության մեջ, ապա պետք է պայքարել միասնաբար: Տվյալ դեպքում լրատվությունն իր գործն է անում, իսկ լրատվության կողքին էլ պետք է կանգնի իրավապաշտպան, որպեսզի չփորձեն ցնցել լրատվությանը: Ինչ խոսք հեշտ չէ այդ աշխատանքը, սակայն այդպես ասելով հարցին լուծում չի տրվի»,- ներկայացրեց իր կարծիքը 2015 թվականի տարվա լավագույն փաստաբանը այն հարցի շուրջ, թե արդյոք դժվար չէ պաշտպանել լրատվամիջոցներին այն դեպքում, երբ երկիրը գտնվում է տարատեսակ տոտալիտար երեւույթների կիզակետում, որոնց քայքայիչ գործունեության մասին լուսաբանում են ԶԼՄ-ները:
Մանրամասները տեսանյությում.
ԱՐՄԵՆՈՒՀԻ ՀԱԿՈԲՅԱՆ
1
31347 դիտում
2
11131 դիտում
3
2854 դիտում
4
1722 դիտում
5
1624 դիտում
