«ՉԵՂՅԱԼ ՀԱՅՏԱՐԱՐԵԼ ԲՐԻՏԱՆԻԱՅԻ ՊԱՏԳԱՄԱՎՈՐԻ ԿՈՂՄԻՑ ԵԽԽՎ-ՈՒՄ ՆԵՐԿԱՅԱՑՎԱԾ ՀԱԿԱՀԱՅԿԱԿԱՆ ԶԵԿՈՒՅՑԸ»
Արխիվ 12-16
Պահանջում են. «ՉԵՂՅԱԼ ՀԱՅՏԱՐԱՐԵԼ ԲՐԻՏԱՆԻԱՅԻ ՊԱՏԳԱՄԱՎՈՐԻ ԿՈՂՄԻՑ ԵԽԽՎ-ՈՒՄ ՆԵՐԿԱՅԱՑՎԱԾ ՀԱԿԱՀԱՅԿԱԿԱՆ ԶԵԿՈՒՅՑԸ»
Այսօր կայացավ «Հանուն Օրենքի» հասարակական շարժման բողոքի ակցիան` Մեծ Բրիտանիայի դեսպանատան դիմաց, որին միացել էին նաեւ տարբեր կուսակցությունների երիտթեւեր, հկ-ներկայացուցիչներ ու մտավորականներ: Ակցիայի նախաձեռնող խմբի անունից Մեծ Բրիտանիայի փոխդեսպանին հանձնվեց պահանջագիր, որում մասնավորապես ասված էր.
«Դատապարտում ենք Մեծ Բրիտանիային ու Բոսնիա եւ Հերցեգովինային այն բանի համար, որ վերջիններս, վաճառվելով ադրբեջանական իշխանություններին, փորձում են ստիպել հայկական կողմին հանձնել Ղարաբաղը Ադրբեջանին` հայերին անվանելով զավթիչներ:
2016թ-ի հունվարի 26-ին Եվրոպայի Խորհրդարանի Խորհրդարանական Վեհաժողովում նախատեսվում են լսումներ երկու հակահայկական զեկույցների շուրջ. «Բռնության աճը Լեռնային Ղարաբաղում եւ Ադրբեջանի մյուս օկուպացված շրջաններում»` պատրաստված բրիտանացի խորհրդարանական Ռոբերտ Ուոլթերի կողմից, ինչպես նաեւ Բոսնիա եւ Հերցեգովինայի ներկայացուցիչ Միլիցա Մարկովիչի` Ղարաբաղում Սարսանգի ջրամբարին վերաբերող զեկույցը, որը կրում է հետեւյալ վերնագիրը` «Ադրբեջանի սահմանամերձ շրջանների բնակիչները միտումնավոր կերպով զրկվում են ջրից»:
Ակնհայտ է, որ Մեծ Բրիտանիայի պատգամավորին Ադրբեջանը կարողացել է գնել «խավիարային դիվանագիտության» միջոցով եւ այդ պատճառով է, որ ԵԽԽՎ-ում այսօր պատրաստվում են քննարկել միակողմանի զեկույցներ, որոնք բխում են միմիայն Ադրբեջանի շահերից:
Այսպիսով, Հանուն օրենքի հասարակական շարժման ակտիվիստները
ՊԱՀԱՆՋՈՒՄ ԵՆ.
ՉԵՂՅԱԼ ՀԱՅՏԱՐԱՐԵԼ ԲՐԻՏԱՆԻԱՅԻ ՊԱՏԳԱՄԱՎՈՐԻ ԿՈՂՄԻՑ ԵԽԽՎ-ՈՒՄ ՆԵՐԿԱՅԱՑՎԱԾ ՀԱԿԱՀԱՅԿԱԿԱՆ ԶԵԿՈՒՅՑԸ»:
ՀՐԱՆՏ ՍԱՐԱՖՅԱՆ
Հ.Գ.- Ակցիայի մասին առավել մանրամասն կներկայացնենք քիչ ուշ:
1
31362 դիտում
2
11143 դիտում
3
2860 դիտում
4
1722 դիտում
5
1624 դիտում
