ՄԱՐԳԱՐԻՏԱ ԽԱՉԱՏՐՅԱՆ. «ԱՅՍՕՐ ԶԻՆՎՈՐՆԵՐԸ ՄԵԾ ՍԻՐՈՎ ԵՆ ԲԱՐՁՐԱՆՈՒՄ ԴԻՐՔԵՐ»

ՄԱՐԳԱՐԻՏԱ ԽԱՉԱՏՐՅԱՆ. «ԱՅՍՕՐ ԶԻՆՎՈՐՆԵՐԸ ՄԵԾ ՍԻՐՈՎ ԵՆ ԲԱՐՁՐԱՆՈՒՄ ԴԻՐՔԵՐ»

21 տարի լինելով Հայոց բանակի եւ հայ զինվորի կողքին «Զինվոր» ՀԿ համակարգող խորհրդի նախագահ ՄԱՐԳԱՐԻՏԱ ԽԱՉԱՏՐՅԱՆՆ ամեն օր է տեսնում այն փոփոխությունները եւ ձեռբերումները, որ գրանցում է  բանակը.«Հայոց բանակի ամենամեծ ձեռբերումն այն է, որ այսօր զինվորները մեծ սիրով են բարձրանում դիրքեր: Նախկինում նրանք շատ էին դիմում, որ ազատվեն դիրքեր բարձրանալու պարտականությունից: Ձեռբերում է նաեւ բանակի ու զինվորների բարձր մարտունակությունը, զինվորները կարողանում են պայքարել թշնամու կողմից իրականցվող դիվերսիոն գործողությունների դեմ: Փոխվել են զինվորների փոխհարաբերությունները միմյանց նկատմամբ` ավելի հոգատար ու զիջող են դարձել, այս բոլորը ձեռբերումներ են»,- նշեց Մ. Խաչատրյանը: Ձեռբերումներին զուգահեռ կան նաեւ թերացումներ, որոնք հիմնականում կապված են նրա բնորոշմամբ` աթոռ ճոճող ղեկավարների թերացումների հետ.«Մենք ունենք հաղթանակած բանակ, որի հաջողությունների համար աշխատանք է պետք, այլ ոչ թե սպասեն ամսվա վերջին, որպեսզի աշխատավարձ ստանան»,-փաստեց Մարգարիտա Խաչատրյանը եւ շնորհավորելով Հայոց բանակի 24-րդ ամյակը ավելացրեց.«Շնորհավորում եմ խրամատներում կանգնած իմ զինվոր բալեքին, մաղթում բարի ծառայություն: Որդեկորույս մայրերին ցանկանում եմ համբերություն, նրանց որդիների կյանքի գնով մենք կարողացանք պաշտպանել հայրենիքի անդորրը: Աստծուն աղերսում եմ, որ 2016 թվականը մեր բանակի համար լինի ձեռքբերումների եւ հաջողությունների տարի»:

Նրա խոսքով`պատերազմը դեռ ավարտված չէ, ուստի բոլորը պետք է աշխատեն, որպեսզի Հայոց բանակն էլ ավելի մարտունակ դարձնեն:

ԶՎԱՐԹ ԽԱՉԱՏՐՅԱՆ