ՈՎՔԵՐ ԵՆ ՀՀ 1000 ԽՈՇՈՐ ՀԱՐԿԱՏՈՒՆԵՐԸ

ՈՎՔԵՐ ԵՆ ՀՀ 1000 ԽՈՇՈՐ ՀԱՐԿԱՏՈՒՆԵՐԸ

ՀՀ հարկային ծառայությունն այսօր հրապարակել է 2015 թվականի հունվար-դեկտեմբեր ամիսների 1000 խոշոր հարկ վճարողների եւ նրանց կողմից վճարված հարկերի եւ տուրքերի մասին տեղեկատվություն: Ըստ այդմ, 10 ամենախոշոր հարկատուների ցանկը ինչպես 2014 թվականին, այնպես էլ 2015 թվականին գլխավորել է «Գազպրոմ Արմենիա» ընկերությունը: Նախորդ տարվա ընթացքում ընկերության կողմից վճարած հարկը կազմել է 42 մլրդ 649 մլն 961 հազար դրամ: 2-րդ խոշոր հարկատուն է «Զանգեզուրի պղնձամոլիբդենային կոմբինատ» ընկերությունը, որը վճարել է 27 մլրդ 505 մլն 901 հազար դրամ: 3-րդը՝ «Ղ տելեկոմ»-ն է («Վիվասել ՄՏՍ») 18 մլրդ 628 մլրն 800 հազար դրամ հարկերի ու տուրքերի մեծությամբ: «Ալեքս Գրիգ» ընկերությունը 4-րդ տեղում է եւ 2015 թվականին վճարել է 18 մլրդ 255 մլն 286 հազար դրամ: 5-րդ տեղում է «Որոտանի հիդրոէլեկտրակայանների համալիր» ընկերությունը՝ 16 մլրդ 955 մլն 671 հազար դրամ: 6-րդ տեղում՝ «Հայաստանի էլեկտրական ցանցերն է»՝ 16 մլրդ 494 մլն 203 հազար դրամ։ 7-րդ խոշոր հարկատուն «Արմենիա տելեֆոն կոմպանի» ընկերությունն է, որը վճարել է 15 մլրդ 466 մլն 983 հազար դրամ: 8-րդ տեղում՝ «Գրանդ տոբակո հայ կանադական ՀՁ» ընկերությունն է՝ 13 մլրդ 699 մլն 722 հազար դրամով: 9-րդում՝ «Ֆլեշ» ընկերությունն է՝ 12 մլրդ 751 մլն 28 հազար դրամով: Եվ վերջապես, 10-րդ խոշոր հարկատուն է «Սիփիէս օիլ քորփորեյշն» ընկերությունն է, որը վճարել է9 մլրդ 465 մլն. 202 հազար դրամ: Հայաստանի 10 խոշոր հարկատուները միասին վճարել են 191 մլրդ 872 մլն 757 հազար դրամ, ինչը նախորդ տարվա նույն ցուցանիշի համեմատ ավելի է մոտ 9 մլրդ դրամով: