«ԳԱՄԵ՛Ք ԱՆԱՐԳԱՆՔԻ ՍՅՈՒՆԻՆ». ՈՒՐԻԽԱՆՅԱՆԻ ՕՐԻՆԱԳԻԾԸ ՄԵՐԺՎԵՑ. ՏԵՍԱՆՅՈՒԹ

«ԳԱՄԵ՛Ք ԱՆԱՐԳԱՆՔԻ ՍՅՈՒՆԻՆ». ՈՒՐԻԽԱՆՅԱՆԻ

ՕՐԻՆԱԳԻԾԸ ՄԵՐԺՎԵՑ. ՏԵՍԱՆՅՈՒԹ

Ընդդիմադիր պատգամավոր Տիգրան Ուրիխանյանը խորհրդարանում ներկայացրեց օրինագիծ, որը առաջարկում է պատգամավորների համար քաղաքացիների ընդունելությունը իմպերատիվ պահանջ դարձնել, մանավանդ, որ պետբյուջեից ամսական հիսուն հազար դրամ է տրամադրվում պատգամավորին`այդ գործի համար:Պատգամավորների մի մասը` հանձնաժողովի նախագահ  Հովհաննես Սահակյանը, ՀԱԿ պատգամավոր Գագիկ Ջհանգիրյանը, Լեւոն Մարտիրոսյանը, դեմ էին այս նախագծին: Հարակից զեկուցող Լեւոն Մարտիրոսյանի կարծիքով` օրինագծով ընդամենը պարտավորեցնում ենք պատգամավորին լավը լինել. «Բայց սրանով որեւէ հարց չենք լուծելու եւ սրանով չէ, որ պարտավորեցնելու ենք պատգամավորին ավելի լավը լինել: Սա մեռելածին դրույթ է»:

Հովհաննես Սահակյանն էլ ասաց, որ  դեմ է նախագծին, դա յուրաքանչյուր պատգամավորի ներքին կոդեքսն է:

Նախագծին առնչվող հարցերից մեկն էլ  հետեւյալն էր. Եթե օրինագիծն ընդունվի, սակայն պատգամավորները շրջանցեն օրենքը, ինչ պետք է արվի:  Տիգրան Ուրիխանյանն ասաց. «Կիրառել համարժեք սանկցիաներ: Գամել անարգանքի սյունին եւ դատափետել: Ըստ էության, չեմ կարծում, որ կլինեն պատգամավորներ, որոնք չեն ցանկանա հանդիպել իրենց ընտրողների հետ»:

ՄԱՆՐԱՄԱՍՆԵՐԸ`ՏԵՍԱՆՅՈՒԹՈՒՄ:

ՍՈՆԱ ԴԱՎԹՅԱՆ