ԷԴՈՒԱՐԴ ՇԱՐՄԱԶԱՆՈՎԸ ԲԱԳՐԱՏՅԱՆԻՆ ՄԵՂԱԴՐԵՑ ԴԻԼԵՏԱՆՏԻԶՄԻ, ԻՍԿ ՄԱՐՈՒՔՅԱՆԻՆ՝ ԳԱՎԱՌԱԿԱՆՈՒԹՅԱՆ ՄԵՋ

ԷԴՈՒԱՐԴ ՇԱՐՄԱԶԱՆՈՎԸ ԲԱԳՐԱՏՅԱՆԻՆ ՄԵՂԱԴՐԵՑ

ԴԻԼԵՏԱՆՏԻԶՄԻ, ԻՍԿ ՄԱՐՈՒՔՅԱՆԻՆ՝ ԳԱՎԱՌԱԿԱՆՈՒԹՅԱՆ ՄԵՋ

Այսօր Երեւանի հարավային մուտքի տրանսպորտային խնդիրները լուծող նախագծի շուրջ ծավալված բանավեճի ընթացքում պատգամավոր Հրանտ Բագրատյանը, ինչպես միշտ շատ վստահ տոնով ասեց հերթական դիլետանտական մտքերը: Եվ եթե սովորաբար իր «ծակ» պրոֆեսորությունը ցուցաբերում է տնտեսագիտական խնդիրներում, այս անգամ անդրադարձավ պատմագիտությանը: Չկրկնենք Բագրատյանի պատմագիտությանը  սիրողական մակարդակով վերաբերող բարբաջանքները, նշենք միայն, որ պատմաբան, ԱԺ փոխնախագահ Էդուարդ Շարմազանովը դրանք անվանեց դիլենտարիզմ, իսկ դահլիճոիմ նստած այլ պատմաբան պատգամավորները ջերմ հավանություն տվեցին այդ գնահատականին:

Շարմազանովը նաեւ գավառամտության մեջ մեղադրեց Հայաստանի գլխավոր «էլեկտրիկ» իրեն հռչակած Էդմոն Մարուքյանին: Մինչ այդ Մարուքյանը նորից սկսեց թափահարել իր սիրած դրոշակը, թե իբր Երեւանին տրվում է ավելի շատ արտոնություններ՝ ի հաշիվ մարզերի: Գավառական այդ մտքի թռիչքը հաշվարկված էր Վանաձորի ընտրողների ձայները այս էժան հնարքով ստանալու վրա:

Նույն մեթոդին դիմեց նաեւ գյումրեցի պատգամավոր ՕԵԿ-ական Հովհաննես Մարգարյանը մոռանալով, որ ընդամենը երկու ամիս առաջ ՀՀ նախագահը Գյումրիի ճանապարհների վերանորոգման համար հատկացրեց լուրջ միջոցներ եւ դրանից հետո կարելի է մեղադրել իշխանություններին անտարբերության համար:

Ի դեպ, պարոն Շարմազանովի ելույթը խիստ հիսթերիայի մեջ գցեց ՕԵ խմբակցության ղեկավար Հեղինե Բիշարյանին, ով գործի գիտակի վստահությամբ հայտարարեց, որ ամենամեծ ատկատները  կան ճանապարհաշինարարությունից եւ սկսեց կոչ անել` «քի՛չ կերեք»: Այս առումով, իհարկե, միանգամից հարց է ծագում, թե ինչքան ուտելով եւ որտեղի ատկատներով է, որ Հեղինե Բիշարյանի շեֆը՝ Արթուր Բաղդասարյանը, մի ինքնաթիռ մարդ տարավ Դուբայ՝ մի շաբաթ քեֆ անելու համար:

ԱՐՄԵՆՈՒՀԻ ՀԱԿՈԲՅԱՆ