ՌԴ ՆԱԽԱԳԱՀ ՎԼԱԴԻՄԻՐ ՊՈՒՏԻՆԻ ՄԱՍԻՆ ՖԻԼՄԻ ՆԿԱՐԱՀԱՆՈՒՄՆԵՐԸ ԿՍԿՍՎԵՆ ԳԱՐՆԱՆԸ

ՌԴ ՆԱԽԱԳԱՀ ՎԼԱԴԻՄԻՐ ՊՈՒՏԻՆԻ ՄԱՍԻՆ ՖԻԼՄԻ ՆԿԱՐԱՀԱՆՈՒՄՆԵՐԸ ԿՍԿՍՎԵՆ ԳԱՐՆԱՆԸ

Այս տարվա գարնանը կսկսվեն Ռուսաստանի Դաշնության նախագահ Վլադիմիր Պուտինի կյանքը եւ գործունեությունը ներկայացնող ֆիլմի նկարահանումները: «Պուտին» կինոժապավենը նկարահանում է ամերիկյան «Knightsbridge Entertainment» կինոընկերությունը: ՌԴ նախագահի կերպարը մարմնավորելու համար ընկերությունն իրականացնում է քասթինգ, որին այս պահին մասնակցում է աշխարհի ամենաճանաչված դերասաններից 4-ը, որոնց անունները սակայն գաղտնի է պահվում:

Նախկինում եվրոպական մի շարք լրատվամիջոցներ լուրեր տարածեցին, թե Վ. Պուտինի կերպարը ֆիլմում մարմնավորելու է հոլիվուդյան ճանաչված դերասան Լեոնարդո Դի Կապրիոն. «Ինձ համար հետաքրքիր կլիներ մարմնավորել Պուտինի կերպարը, հաճույքով կխաղայի այդ դերը»,-հայտարարել էր դերասանը:

Սակայն, շուտով այս լուրը հերքեց կինոընկերության մենեջերներից մեկը` Վալերի Սաարյանը. «Մենք Դի Կապրիոյի հետ որեւէ պայմանավորվածություն չունենք, չգիտեմ, թե ովքեր են լուրը տարածել: Միայն կասեմ, որ այս պահին Վ. Պուտինին մարմնավորելու համար քասթինգին մասնակցում են համաշխարհային ճանաչում ունեցող 4 դերասաններ: Ֆիլմը նկարահանում է այնպիսի ռեժիսոր, որն ունի երկու «Օսկար»,-տեղեկացրել է Վ. Սաարյանը: Նրա խոսքով` ֆիլմի սցենարի շուրջ չեն զորուցել Ռուսաստանի նախագահի հետ, չնայած համացանցում արդեն խոսում են, որ անձամբ Պուտինը գիտի իր մասին նկարահանվող ֆիլմի մասին: Վ. Պուտինի մամլո խոսնակը`Դմիտրի Պեսկովը  նույնպես նշել էր, որ նկարահանվող ֆիլմի մասին ոչինչ չգիտի:

Առաջին անգամ չէ, որ Լեոնարդո Դի Կապրիոն հայտարարաում է, որ շուտով մարմնավորելու է ռուս բարձրաստիճան պաշտոնյաներից մեկին: Իր հարցազրույցներից մեկնում նա ցանկություն էր հայտնել մարմնավորել նաեւ Սատլինին:

ԶՎԱՐԹ ԽԱՉԱՏՐՅԱՆ