ՀՐԱԶԴԱՆԻ ՔԱՂԱՔԱՊԵՏ. «60.000-ԱՆՈՑ ՔԱՂԱՔՆ ԱՄԲՈՂՋՈՒԹՅԱՄԲ ԳԱԶԱՖԻԿԱՑՎԵԼ Է». ՏԵՍԱՆՅՈՒԹ

ՀՐԱԶԴԱՆԻ ՔԱՂԱՔԱՊԵՏ. «60.000-ԱՆՈՑ ՔԱՂԱՔՆ

ԱՄԲՈՂՋՈՒԹՅԱՄԲ ԳԱԶԱՖԻԿԱՑՎԵԼ Է». ՏԵՍԱՆՅՈՒԹ

Հրազդանի քաղաքապետ Արամ Դանիելյանն այսօր «Ազդակ» լրագրողական ակումբում

խոսեց Հրազդանի ձեռքբերումների, խնդիրների ու ծրագրերի մասին: Նրա խոսքով` քաղաքի բնակչությունը 18-24 ժամյա ջրամատակարարմամբ է ապահովել, իրականացվել է 480 կմ ջրագծերի վերանորոգում,  գազաֆիկացվել է մոտավորապես 60.000 բնակիչ ունեցող քաղաքը: Սա դեռ ամենը չէ: Քաղաքապետի տեղեկացմամբ` քաղաքում բարձր մակարդակով կատարվում են աղբահանման աշխատանքներ: «Դուք հիշում եք, որ Հրազդանում երկու տարի կենտրոնացված ջեռուցում կար: Իմ ղեկավարման տարիներին մեր ազգաբնակչությանը  անվճար ջեռուցմամբ ապահովեցինք: Սակայն երբ ռուսական կողմը գնեց Հրազդանի ՋԷԿ-ը,  քաղաքացիներից գումար էին պահանջում իրենց ծառայությունների դիմաց: Խոսքը 550 մլն դրամի մասին է տարվա կտրվածքով:  Ազգաբնակչությունից, սակայն, մենք հավավաքագրում էինք 20 միլիոն դրամ: Այսինքն` գումարի մնացած մասը մարում էր Հրազդանի քաղաքապետարանը: Երկու տարվա ընթացքում ռուսական կողմին  փոխհատուցվել է մեկ միլիարդ դրամ »,-մանրամասնում է  քաղաքապետը:

Քաղաքապետի խոսքով` Համաշխարհային բանկը նախատեսում է 8 մլն դոլարի ներդրում կատարել` Հրազդանի աղբավայրի կառուցապատման համար:

Խոսելով քաղաքի զարգացման ծրագրերի մասին գործադիր մարմնի անդամն ասաց, որ նախատեսվում է ուշադրության կենտրոնում պահել քաղաքաշինական բոլոր խնդիրները` փոխել քաղաքի ջրահեռացման քայքայված խողովակները, պահպանել բազմաբնակարան շենքների տանիքները, որոնք կապիտալ վերանորոգվել են եւ այլն: Հրազդանում զարգացած է նաեւ փոքր եւ միջին բիզնեսը: Քաղաքապետը  հավաստիացնում է` մարդիկ կապվել են իրենց հող ու ջրին ու ներդրումներ են կատարում:

Ի տարբերություն մարզային այլ քաղաքների, Հրազդանում գործում է առողջաապահական ժամանակակից կենտրոն, արդյունաբերական կառույցներ:

Ինչ վերաբերում է քաղաքի սոցիալական խնդիրներին,Ա. Դանիելյանի խոսքով` մեղմելու համար քաղաքապետարանն իրականացնում է սոցիալական մի շարք ծրագրեր:

Մշակութային կյանքը եւս Հրազդանում աշխույժ է: Արամ Դանիելյանն իր ղեկավարման տարիներին կարողացել է ապահովել 12 մանկապարտեզի, երկու երաժշտական դպրոցի, երեք սպորտի ու երկու արվեստի դպրոցի գործունեությունը: Քաղաքապետ դառնալուց հետո Դանիելյանի ջանքերով Հրազդանի թատրոնը քաղաքապետարանի ուշադրության կենտրոնում ու ենթակայության տակ:

Հրազդանում այս տարի քաղաքապետի ընտրություններ են: Ինչպե՞ս է գնահատում ընտրվելու իր շանսերը  Արամ Դանիելյանը, ով մոտ տասը տարի է,  ղեկավարում է Հրազդանը: «Իմ թեկնածությունն առաջադրել  է ՀՀԿ-ը: Տարիների ընթացքում Հրազդանի ազգաբնակչությունն ինձ վստահել է, քանի որ ամեն օր շփվում եմ քաղաքացիների հետ: Վստահ եմ ` ինձ նորից կվստահեն: Ինչ վերաբերում է այլ թեկնածուներին,  թող  առաջադրվեն, կխոսենք»,- ասաց նա:

ՍՈՆԱ ԴԱՎԹՅԱՆ

Մանրամասները` տեսանյութերում:

ՍՈՆԱ ԴԱՎԹՅԱՆ