«ԻՐԱՎՈՒՆՔԻ» ԿՈՂՄԻՑ ԼԱՎԱԳՈՒՅՆ ԵՐԳՉՈՒՀԻ Է ՃԱՆԱՉՎԵԼ ՔՐԻՍՏԻՆԵ ՊԵՊԵԼՅԱՆԸ (Տեսանյութ)
Արխիվ 12-16
«ԻՐԱՎՈՒՆՔԻ» ԿՈՂՄԻՑ ԼԱՎԱԳՈՒՅՆ ԵՐԳՉՈՒՀԻ Է ՃԱՆԱՉՎԵԼ ՔՐԻՍՏԻՆԵ ՊԵՊԵԼՅԱՆԸ (Տեսանյութ)
«Իրավունքը» շարունակելով իր լավագույն ավանդույթները` այս տարի եւս, հաշվի առնելով ընթերցողների կարծիքները, ամփոփել է նախորդ տարին` 2015 թվականը, ու ընտրել տարվա ընթացքում իրենց գործունեությամբ մշակույթի տարբեր բնագավառներում աչքի ընկած լավագույն եւ վատագույն գործիչներին: Հենց այս առթիվ թերթի խմբագրությունում հյուրընկալվել էր երգչուհի ՔՐԻՍՏԻՆԵ ՊԵՊԵԼՅԱՆԸ, ով «Իրավունքի» կողմից արժանացավ պատվոգրի` 2015 թվականին Հայաստանի Հանրապետությունում ԼԱՎԱԳՈՒՅՆ ԵՐԳՉՈՒՀԻ ճանաչվելու կապակցությամբ` տարվա ընթացքում ակտիվ գործունեության եւ սահմանամերձ գյուղին աջակցելու համար: Ընդունելով պատվոգիրը` Ք. Պեպելյանը
շնորհակալություն հայտնեց եւ ընդգծեց. «Գնահատականն ու վերաբերմունքը, հավատացեք, շատ դեպքերում ավելի կարեւոր են, քան որեւէ մեծ, հնչեղ բան: Զգացված եմ, սա ամենանուրբ ու լավ գնահատականն է, որը կարող էի ունենալ»:
Հիշեցնենք, որ երբ ամիսներ առաջ ողջ հանրությունը քննարկում էր «Էրեբունի-Երեւան» տոնակատարությունն անցկացնելու, թե չանցկացնելու հարցը, երգչուհին հայտարարեց, որ տոնակատարություններից գոյացած իր ողջ հոնորարը կկրկնապատկի (իր միջոցներով) եւ կփոխանցի Բաղանիսի գյուղապետարանին` ինչ-որ չափով փարատելու սահմանամերձ գյուղի բնակիչների հոգսերը: Տարեվերջին արդեն իսկ երգչուհին կատարել էր խոստումը` նրա նվիրաբերած գումարի շնորհիվ սահմանամերձ Բաղանիսի եւս երկու թաղամաս ապահովվեց գիշերային լուսավորությամբ:
Նյութը` ՀՐԱՆՏ ՍԱՐԱՖՅԱՆԻ
Լուսանկարները` Սամվել Չոբանյանի
Հ.Գ.- Ի դեպ, Քրիստինե Պեպելյանը նաեւ դարձավ «Իրավունքի» «Ուղիղ կապ» խորագրի հյուրը եւ սիրով պատասխանեց մեր ընթերցողների ու ֆեյսբուքյան օգտատերերի հարցերին, որի պատասխանները կարող եք կարդալ թերթի չորեքշաբթի օրվա համարում:
1
31362 դիտում
2
11153 դիտում
3
2860 դիտում
4
1722 դիտում
5
1624 դիտում
