ՀԱԿ-ն ՈՒ «ՆՈՐ ՀԱՅԱՍՏԱՆ»- Ը ԸՆԴՀԱՆՈՒՐ ՀԱՅՏԱՐԱՐԻ ԴԵՌ ՉԵՆ ԵԿԵԼ

ՀԱԿ-ն ՈՒ «ՆՈՐ ՀԱՅԱՍՏԱՆ»- Ը  ԸՆԴՀԱՆՈՒՐ ՀԱՅՏԱՐԱՐԻ ԴԵՌ ՉԵՆ ԵԿԵԼ

Մարտի մեկին ՀԱԿ-ն ու «Նոր Հայաստան»-ը միասնական հավաք անցկացնելու համար այսօր հանդիպել են: «Իրավունք»-ին րոպեներ առաջ «Նոր Հայաստան» շարժման մամլո խոսնակ Վարուժան Ավետիսյանն ասաց, որ հանդիպումն ավարտվել է, բայց դեռ ընդհանուր հայտարարի չեն եկել քանի որ խոսքը ոչ թե մեկ, այլ մի քանի ուժի մասին: «Բայց հույս ունի` ՀԱԿ-ն ու «Նոր Հայաստան»-ը կգան մեկ եզրահանգման»,-ասաց պրն Ավետիսյանը:

«Նոր Հայաստան»-ի անդամ Հմայակ Հովհաննիսյանը հայտարարել է, որ Սերժ Սարգսյանի հրավերն ընդունած ու սահմանադրական բարեփոխումների թեմայի շուրջ նրա հետ հանդիպած քաղաքական ուժերը անելիք չունեն մարտի մեկի միջոցառմանը: Եթե Սերժ Սարգսյանի հետ հանդիպած ուժերը մասնակցեն միջոցառմանը, «Նոր Հայաստան»-ը նրանց վռնդելո՞ւ է: «Ոչ, ի սեր աստծու, ինչի մասին է խոսքը: Հմայակ Հովհաննիսյանի ասածը վերաբերում է միջոցառման կազմակերպիչների շարքում լինելուն: Իսկ որպես քաղաքացի կարող են մասնակցել»,- ասաց Վ. Ավետիսյանը: Ի դեպ, դեռ հստակ չէ` երբ է «Նոր Հայաստան»-ը լքելու Ազատության հրապարակը: Քաղաքական պայքար է, ընթացքը ցույց կտա»,- եզրափակեց մամլո խոսնակը:

ՍՈՆԱ ԴԱՎԹՅԱՆ