ՈՍՏԻԿԱՆՈՒԹՅՈՒՆԸ` ԽՑԱՆՈՒՄ ԱՌԱՋԱՑՆՈՂ «ԳՈԼԴ» ՀԱՄԱՐՆԵՐՈՎ ՄԵՔԵՆԱՆԵՐԻ ՄԱՍԻՆ

ՈՍՏԻԿԱՆՈՒԹՅՈՒՆԸ` ԽՑԱՆՈՒՄ ԱՌԱՋԱՑՆՈՂ «ԳՈԼԴ»

ՀԱՄԱՐՆԵՐՈՎ ՄԵՔԵՆԱՆԵՐԻ ՄԱՍԻՆ

Վերջին շրջանում «Իրավունք»-ը դժգոհություններ է լսում  վարորդներից Երեւանի կենտրոնի դպրոցների  մոտակայքում ժամը 13-14:00-ի ժամանակահատվածում առաջացած ճանապարհային խցանումների մասին: Վարորդների կարծիքով ՃՈ-ն արդյունավետ չի աշխատում  խցանումները վերացնելու համար:

«Իրավունք»-ը խնդրի առնչությամբ կապ հաստատեց Ոստիկանության հասարակայնության հետ կապերի ու լրատվության բաժնի աշխատակից Արմեն Մալխասյանի հետ, ով մեզ տեղեկացրեց`ՃՈ-ն իր ամենօրյա գործառույթներն է իրականացնում, շատ արդյունավետ է աշխատում: «Վերջին ասուլիսի ժամանակ ՃՊԾ բաժնի պետ Նորիկ Սարգսյանը շեշտեց, որ  դպրոցների հաճախումներով պայմանավորված` ժամանակ առ ժամանակ  լինում են կուտակումներ: Մենք հորդորեցինք վարորդներին  երկար չկանգնել: Հիմա եթե ծնողը երեխային իջեցնում է  մեքենայից,  այդ մի վայրկյանի ընթացքում հնարավոր է լինի  որոշակի խցանում: Ավելին ասեմ` ՃՈ ոստիկանները հերթապահում են այն փողոցներում, որտեղ ինտենսիվ երթեւեկություն կա»,- պատասխանեց   ոստիկանության հասարակայնության հետ կապերի ու լրատվության բաժնի աշխատակիցը:

Մեր դիտարկմանը, թե մայրաքաղաքի կետրոնի դպրոցների` մասնավորապես Չեխովի դպրոցի  մոտակայքում, ժամը 13-14:00-ի ժամանակահատվածում ՃՈ  հերթապահող ոստիկանների չենք նկատել, պրն Մալխասյանն ասաց. «Առավոտյան եւ ցերեկային ժամերին կան հերթապահող ոստիկաններ, երբ երթեւեկությունն ինտենսիվ է դառնում կամ կա խցանման վտանգ»:

«Իրավունք»-ի դիտարկմանը, որ մայրաքաղաքի կենտրոնի  տարածքում գոլդ համարներով մեքենաներ են  երկար ժամանակ կայանում, սակայն  բողոքող վարորդները նկատել են` ՃՈ աշխատակիցները չեն համաձարկվում այդ մեքենաների վարորդներին հիշեցնել  երկար չկայանելու, խցանումներ չառաջացնելու մասին,  Մալխասյանը հորդորեց ավտոմեքենաների  կոնկրետ համարներն  ասել` վարչական միջոցներ կիրառելու համար:

ՍՈՆԱ ԴԱՎԹՅԱՆ