«ՎԱՆԳԱՅԻ ԿԱՆԽԱՏԵՍՈՒՄՆԵՐ ՉԵՄ ՑԱՆԿԱՆՈՒՄ ԱՆԵԼ». ԲՀԿ-ԱԿԱՆԸ`ՄԻՊ-Ի ԵՎ ԲՀԿ-Ի ԽԺԴԺՈՒԹՅՈՒՆՆԵՐԻ ՄԱՍԻՆ

«ՎԱՆԳԱՅԻ ԿԱՆԽԱՏԵՍՈՒՄՆԵՐ ՉԵՄ ՑԱՆԿԱՆՈՒՄ ԱՆԵԼ». ԲՀԿ-ԱԿԱՆԸ`ՄԻՊ-Ի  ԵՎ ԲՀԿ-Ի ԽԺԴԺՈՒԹՅՈՒՆՆԵՐԻ ՄԱՍԻՆ

Ինչպես հայտնի է, մարդու իրավունքների պաշտպանության  թեկնածուների առաջադրման ժամկետն  ավարտվելն է: Պաշտպանի պաշտոնի համար  երեք թեկնածու  է առաջադրվել`   արդարադատության փոխնախարար  Արման Թաթոյանը` ՀՀԿ-ի թեկնածու, «Ժառանգության» թեկնածու Զարուհի Փոստանջյանը եւ  «Ալյանս» կուսակցության նախագահ Տիգրան Ուրիխանյանի թեկնածուն` Նարեկ Ալոյանը:

Հիշեցնենք` թեկնածուներին ընտրելու է պետական-իրավական հարցերի հանձնաժողովի անդամները:

Քանի որ հանձնաժողովում ԲՀԿ-ի ներկայացուցիչը Տիգրան Ուրիխանյանն էր, բնականաբար, ԲՀԿ- ը չէր կարող  իր նախընտրած թեկնածու Մակար Եղիազարյանին ներկայացնել: Ուրիխանյանի թեկնածուն` Նարեկ Ալոյանը, ինչպես պարզ դարձավ,  ԲՀԿ-ի կողմից ընդունելի չէ: Ի վերջո, այս երեք թեկնածուներից ում է   նախապատվություն տալիս ԲՀԿ-ը, պարզեց «Իրավունք»-ը ԲՀԿ  պատգամավոր, մամլո խոսնակ, Վահան Բաբայանից:

-Պարոն Բաբայան, արդեն հայտնի՞ է, թե ՄԻՊ-ի առաջադրված երեք թեկնածուներից ում է նախըտրում ԲՀԿ-ը:

- Այս պահին  տեղեկություն չունեմ: Այդ հարցի մասին քննարկումներ են ընթանում:

- Դուք այն պատգամավորներից եք, որ հաճախ եք հայտնումՁեր անձնական կարծիքը այս կամ այն հարցի վերաբերյալ: Ո՞վ է ՄԻՊ-ի Ձեր թեկնածուն:

- Իմ  կարծիքով Արման Թաթոյանն ունի մասնագիտական գիտելիքներ` ՄԻՊ-ի պաշտոնը զբաղեցնելու համար:

- Ձեր անձնական կարծիքը  պայմանավորվա՞ծ է ԲՀԿ-ՀՀԿ, այսպես ասած, ջերմ հարաբերություններով:

- Դա դուք եք ասում իմ փոխարեն: Ես նման բան չասացի: Զարուհի Փոստանջյանի թեկնածությունը մասին ես ասել եմ` նա անընդունելի է ինձ համար:

-Անընդունելի է, որովհետեւ հաշվի եք առել  Զարուհի Փոստանջյանը նախորդ տարի  քննադատությունը`ուղղված ԲՀԿ-ի՞ն:

- Քաղաքականության մեջ  ամեն ինչ հաշվի է առնվում: Բայց այս հարցում մենք ավելի օբյեկտիվ ենք: Հիմնական խնդիրը կապված է Զարուհի Փոստանջյանի հստակ  քաղաքական դիրքորոշումներով:

- Արման Թաթոյանին պաշտպանելը թեեւ Ձեր անձնական կարծիքն է, սակայն, չե՞ք կարծում` մյուս ընդդիմադիրների կողմից ձեր կարծիքը դրական չի ընկալվի: Գոնե սոլիդարությունից ելնելով` չարժե՞  Փոստանջյանին նախապատվություն տալ, ինչպես անում է ՕԵԿ-ը:

- Ես որեւէ  հիմք չեմ տեսնում Զարուհի Փոստանջյանին սատարելու համար : Եթե լիներ այլ թեկնածու,  հնարավոր է, սատարեինք:

- Պետաիրավական հանձնաժողովում ԲՀԿ-ի ներկայացուցիչը  Տիգրան Ուրիխանյանն է, ով առաջադրել է Նարեկ Ալոյանի թեկնածությունը: Գուցե նրա թեկնածուին պաշտպանե՞ք:

- Նարեկ Ալոյանի թեկնածությունը քննարկվել է ԲՀԿ խմբակցությունում եւ միաձայն մերժվել:

- Մերժվել է, որովհետեւ, ըստ օրենքի, պաշտպանը պետք է լինի հեղինակավոր եւ վստահելի: Իսկ Նարեկ Ալոյանն այդպիսին չէ՞, այո՞:

- Դե դա մեր խնդիրն է:

- Թաթոյանի առաջադրումից հետո մի քանի իրավապաշտպան ասել է, որ նա գործադիր մարմնի ներկայացուցիչ է, հետեւաբար չի կարող անկաշկանդ եւ օբյեկտիվ աշխատել: Դուք համաձայն եք այս տեսակետին:

- Վանգայի կանխատեսումներ չեմ ցանկանում անել: ՄԻՊ-ն ունի իր հստակ լիազորությունները` ըստ սահմանադրության: Թե ինչպես կաշխատի Թաթոյանն այդ պաշտոնում, չենք տեսել, հետեւաբար կանխավ գուշակություններ անել, քննադատել, սեւացնել, ճիշտ չէ:

- Կարծիք կա, որ կուսակցությունում արշալույսներն այդքան էլ խաղաղ չեն:  ԲՀԿ-ում պահպանվո՞ւմ է լարվածությունը  իշխանության հետ կոալիցիա  կազմելու ցանկության պատճառով:  Հայտնի է, որ կուսակցության մի  մասը կողմ է  իշխանության հետ համագործակցությանը, մյուս մասը` ոչ:

- ԲՀԿ-ում արշալույսները շատ խաղաղ են, ինչպես միշտ: Կուսակցությունում եղել են դեբատներ, քննարկումներ  տարբեր հարցերի` այդ թվում ձեւավորվող կոալիցիայի մասին: Եղել են տարբեր կարծիքներ: Որեւէ ինտրիգներ, տարաձայնություններ մի փնտրեք:

- ԲՀԿ առաջնորդ Նաիրա Զոհրաբյանի  պաշտոնանկության հարցը քննարկվո՞ւմ է ԲՀԿ-ում:

- Նաիրա Զոհրաբյանի պաշտոնանկության հարց ԲՀԿ-ի օրակարգում չի եղել եւ  չկա:

- Երեկ վերջնական  հստակցություն մտցվեց ՀՀԿ-ը ՀՅԴ-ի հետ  կոալիցիայի հարցում: Ձեր գնահատականն այս ամենին:

- Ես եւ Միքայել Մելքումյանն ասուլիսով ենք հանդես գալու: Ձեզ հետաքրքրող հարցերի պատասխանը կստանաք ասուլիսի ժամանակ:

ՍՈՆԱ ԴԱՎԹՅԱՆ