«ՆՈՐ ՀԱՅԱՍՏԱՆ»-Ը ԿՄԱՍՆԱԿՑԻ՞ ԽՈՐՀՐԴԱՐԱՆԱԿԱՆ ԸՆՏՐՈՒԹՅՈՒՆՆԵՐԻՆ

«ՆՈՐ ՀԱՅԱՍՏԱՆ»-Ը ԿՄԱՍՆԱԿՑԻ՞ ԽՈՐՀՐԴԱՐԱՆԱԿԱՆ

ԸՆՏՐՈՒԹՅՈՒՆՆԵՐԻՆ

«Նոր Հայաստան» շարժումը, որի հիմնական կորիզը  «Հիմնադիր խորհրդարանն է», բազմիցս հայտարարել է, որ Հայաստանում տեղի ունեցող ընտրական գործընթացները կեղծ են եւ պետք է դուրս գալ քաղաքական այս համակարգից:

«Իրավունք»-ը «Նոր Հայաստան»-ի անդամ, նախագահի նախկին թեկնածու Անդրիաս Ղուկասյանից հետաքրքրվեց` հնարավո՞ր է   «Նոր Հայաստան»-ը գրացվի որպես կուսակցություն եւ մասնակցի գալիք խորհրդարանական ընտրություններին, քանի որ, ըստ ընդդիմադիր որոշ ուժերի, իշխանափոխության կարելի է հասնել ընտրական գործընթացներին մասնակցելով: «Ես ունեմ մի հարց` ինչ պիտի ասի խորհրդարանական ընտրություններին  մասնակցող քաղաքակն գործիչը այն մարդկանց, որոնք մերժել են կառավարման այս համակարգը: Մենք այսօր բարձրացրել ենք ՀՀԿ-ին պատասխանատվության  ենթարկելու հարցը եւ այն պնդելու ենք այնքան, ինչքան հնարավոր է»,- ասաց Ղուկասյանը:

Ինչ վերաբերում է ընտրական գործընթացներին մասնակցելուն, նախագահի նախկին թեկնածուի խոսքով`այսօր այս հարցն ընդհանրապես դրված չէ:

Հ.Գ. Ըստ էության,Ղուկասյանը հստակ չպատասխանեց ընտրություններին մասնակցել-չմասնակցելու մասին հարցին:Սա նշանակում է, որ չի բացառվում` «Նոր հայաստան»-ի մասնակցությունը ընտրական գործընթացներին: Այլ հարց է, թե այս անգամ ինչ հիմնավորումներ են  հնչեցնելու «հեղափոխականները»:

ՍՈՆԱ ԴԱՎԹՅԱՆ