««ԺԱՌԱՆԳՈՒԹՅԱՆ» ԱՆՈՒՆՆ ՕԳՏԱԳՈՐԾԵԼԸ ՃԻՇՏ ՉԷ». «ԺԱՌԱՆԳՈՒԹՅԱՆ» ԵՎ ԹԱԹՈՅԱՆԻ ՀԱՆԴԻՊՈՒՄԸ ԼԵԳԻՏԻՄ ՉԷ՞

««ԺԱՌԱՆԳՈՒԹՅԱՆ» ԱՆՈՒՆՆ ՕԳՏԱԳՈՐԾԵԼԸ ՃԻՇՏ ՉԷ». «ԺԱՌԱՆԳՈՒԹՅԱՆ»  ԵՎ ԹԱԹՈՅԱՆԻ ՀԱՆԴԻՊՈՒՄԸ ԼԵԳԻՏԻՄ ՉԷ՞

ՄԻՊ թեկնածու Արման Թաթոյանն այսօր հանդիպել է  «Ժառանգություն» խմբակցության հետ:  Դե խմբակցություն   հասկացությունը «Ժառանգության» դեպքում, իհարկե, պայմանական է, քանի որ խմբակցությունում այսօր միայն  Զարուհի Փոստանջյանն է մնացել:  Հետաքրքիրը, սակայն, այն է, որ այսօրվա նիստին  ներկա չի եղել  Զարուհի  Փոստանջյանը, ով բազմիցս հայտարարել է, որ ինքն է  ներկայացնում «Ժառանգություն» խմբակցության տեսակետը: Արման Թաթոյանի հետ հանդիպել են  Ռուբեն Հակոբյանը,  Թեւան Պողոսյանն ու Ալեքսանդր Արզումանյանը:  «Իրավունք»-ը   «Ժառանգություն» կուսակցության փոխնախագահ Արմեն Մարտիրոսյանից պարզեց` վերոնշյալ պատգամավորների հանդիպումը կարող ենք համարել «Ժառանգության» հանդիպումն Արման Թաթոյանի հետ: «Չեմ կարող ընդունել այդ հանդիպումը որպես «Ժառանգության» հանդիպում, քանի որ խմբակցությունը  չէր լինի, եթե չլիներ «Ժառանգություն» կուսակցությունը:  Այդ մարդիկ կարող են  հանդիպել ցանկացածի հետ, կատարեն ցանկացած քայլ, բայց «Ժառանգություն»  կուսակցության անունն օգտագործելը ճիշտ չէ»,- ասաց  կուսակցության փոխնախագահը:

Իսկ թե ինչու  հանդիպմանը չի մասնակցել Զարուհի Փոստանջյանը, Մարտիրոսյանը դժվարացավ ասել:

ՍՈՆԱ ԴԱՎԹՅԱՆ