ԱՐԱԳԱԾ ԱԽՈՅԱՆԸ`ՆԱԻՐԱ ԶՈՀՐԱԲՅԱՆԻՆ ՁԱՅՆԻՑ ԶՐԿԵԼՈՒ ՄԱՍԻՆ. «ԵՍ ԱՆԵԼԻՔ ՉՈՒՆԵՄ»

ԱՐԱԳԱԾ ԱԽՈՅԱՆԸ`ՆԱԻՐԱ ԶՈՀՐԱԲՅԱՆԻՆ ՁԱՅՆԻՑ ԶՐԿԵԼՈՒ ՄԱՍԻՆ. «ԵՍ ԱՆԵԼԻՔ ՉՈՒՆԵՄ»

ԵԽԽՎ-ում Թուրքիայի պատվիրակությունը բողոք է ներկայացրել ԵԽԽՎ Բյուրոյի հայաստանյան պատվիրակության անդամ Նաիրա Զոհրաբյանի պահվածքի հետ կապված:  Չի բացառվում, որ ԵԽԽՎ-ում Նաիրա  Զոհրաբյանին ձայնի իրավունքից զրկեն: «Իրավունք»-ը Արագած Ախոյանից հետաքրքրվեց`  չի՞ պատրաստվում  պատգամավորը  Թուրքիայում եղած իր կապերն օգտագործել`Թուրքիայի  պատվիրակությունը    ետ պահելու Նաիրա Զոհրաբյանին  ձայնի իրավունքից  զրկելու մտադրությունից:  Ի վերջո,   Արագած Ախոյանին հաջողվել է  համոզել թուրքական պատվիրակության կազմում ընդգրկված քրդերին կողմ չքվեարկել ԵԽԽՎ-ի հակահայկակակն բանաձեւերին: «Ես  չէի ցանկանա, որ մենք անդրադառնայինք այդ թեմային, որպեսզի Մարգար Եսայանի նման  մարդուն չարժեւորեինք: նա Գարեգին Նժդեհի նկարագրած  թրքացած հայն է, ով  ավելի վտանգավոր է, քան թուրքը: Ինչ վերաբերում է ինձ, ես անելիք չունեմ այդտեղ,  քանի որ ԵԽԽՎ-ի նախագահության խնդիրն է: Նաիրա Զոհրաբյանը, իհարկե,  մի քիչ գործել է էմոցիոնալ դաշտում, բայց ցանկացած հայ  նման իրավիճակում կարող էր էդպես վարվել»,- պատասխանեց պատգամավորը:

Արագած Ախոյանը համոզված է` Նաիրա Զոհրաբյանին ձայնից զրկելու իրավունքը նախաձեռնել է  անձամբ Մարգար Եսայանը:  Ավելին`«Ստամբուլի «Քամփ Արմեն» որբանոցի  հարցում  Դավութօղլուն  մեծ գումարներ է ծախսել Մարգար Եսայանի վրա: Որբանոցի մի հատվածը գնել է Մարգարի  անունից  նվիրեց հայկական համայնքին`  Եսայանի  վարկանիշը բարձրացնելու համար:  «Եվ թուրքական իշխանությունը այնքան կարճատես էր, որ չհասկացավ` Մարգար Եսայանի` հակահայկական բանաձեւերին կողմ քվեարկելուց հետո  նրանց արածը ջուրն ընկավ»,- եզրափակեց Ախոյանը:

ՍՈՆԱ ԴԱՎԹՅԱՆ