Ցուցահանդես նվիրված ճանաչված եւ տիտղոսավոր ավիամոդելիստ Ջորջ Նալբանդյանի հիշատակին

Այսօր մեծ շուքով Ճարտաապետության եւ շինարարության ազգային համալսարանի  դիզայնի ամբիոնի ցուցասրահում բացվեց ճանաչված ավիամոդելիստ, ուսանողության շրջանում սիրված դասախոս Ջորջ Նալբանդյանի հիշատակին նվիրված ցուցահանդեսը: Ցուցահանդեսի բացմանը ներկա էին նաեւ երջանկահիշատակ Ջորջ Նալբանդյանի դուստրը, որդին եւ հարսը:

Անդրադառնալով ներկայացված աշխատանքներին եւ ցուահանդեսին բուն նպատակին դիզայնի ամբիոնի վարիչ Աշոտ Բաղդասարյանը «Իրավունքի» հետ զրույցում մասնավորապես նկատեց. «Ցուցահանդեսին ներկայացված են տարբեր թեմատիկաներով` ուսումնական պրոցեսում կատարված աշխատանքների շարք, ամեն մի մակետ իր հետեւում ունի նախագծային միտք: Ներկայացված բոլոր աշխատանքներում իր ուրույն մասնակցությունն ունի ճանաչված, բոլորիս կողմից սիրված, ստաժավոր, տիտղոսավոր ավիամոդելիստ Ջորջ Նալբանդյանը: Ցուցահանդեսը կազմակերպվել է Նալբանդյանի գործընկերների ջանքերով: Ամբողջ ցուցահանդեսը նվիրված է Ջորջ Նալբանդյանի հիշատակին: Ցավոք, սիրված եւ ուսանողների կողմից հարգված մեր դասախոսը շատ անսպասելի հեռացավ կյանքից, բայց, հավատացեք` Ջորջը հիմա էլ կենդանի է բոլորիս սրտերում: Պետք է ասեմ, որ այս ցուցահանդեսի կազմակերպիչներից մեկը հենց Ջորջն Նալբանդյանն էր, շատ էր ուզում տարեվերջին այս ցուցահանդեսը կայանար, մենք էլ որոշեցինք իր նպատակը կյանքի կոչել»: 

ԻԼՈՆԱ ԱԶԱՐՅԱՆ

Այս թեմայով Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Սեպտեմբերի 10-ին և 11-ին Երևանի կենտրոնի որոշ հատվածում մեքենա կայանալը կարգելվի Մի՛ խորացրեք պառակտումը․ Սփյուռքի բարձրաստիճան հոգևորականները դիմել են իշխանություններին Երևանում Նալբանդյան փողոցում երթևեկության կազմակերպման փոփոխություն կկատարվի Բարորակ եւ չարորակ գոյացությունները ռադիոլոգի աչքերով. Բացահայտում ենք «Բժշկի մոտ»