Կատարյալ սիրեկանին բնորոշ նշանները․ կանանց կարծիք

Բրիտանական հրատարակությունը կանանց շրջանում հարցում էր անցկացրել՝ պարզելու համար կատարյալ տղամարդուն բնորոշ նշանները: Այս մասին հաղորդել է Daily Star-ը:

Ըստ հարցման արդյունքնեի՝ տղամարդու մորուքը և շագանակագույն աչքերը կատարյալ սիրեկանի հիմնական նշաններն են: Այս կարծիքին է հարցմանը մասնակցած կանանց 73 տոկոսը: Նրանք գտնում են, որ դեմքի մազերը տղամարդուն դարձնում են ավելի առնական և հասուն: Բացի այդ, հարցվածների 71 տոկոսը շագանակագույն աչքերը համարել են կատարյալ տղամարդու նշաններից մեկը:

Պիրսինգները և դաջվածքները կատարյալ սիրեկանի նշանների շարքում երրորդ և չորրորդ տեղերն են զբաղեցրել: Այս տարբերակների օգտին քվեարկել է համապատասխանաբար հարցված կանանց 70 և 62 տոկոսը: Նշվել են նաև տղամարդկանց այլ առանձնահատկություններ, որոնք կանայք համարում են առավել գրավիչներից: Այս ցուցակը ներառում է լայն ուսերը, մեծ ոտքերը, ճաղատությունը, լայն հոնքերը: