«Հայ-ռուսական հարաբերությունները կծառայեն Հայաստանում եւ Արցախում ապրող մեր ժողովրդի անվտանգության ամրապնդմանը».ԱՐԱ ԲԱԲԱՋԱՆՅԱՆ

«Իրավունքը» զրուցեց «Առնո Բաբաջանյանի հիշատակի» ֆոնդի նախագահ, Առնո Բաբաջանյանի որդու` ԱՐԱ ԲԱԲԱՋԱՆՅԱՆԻ հետ:

– Պարոն Բաբաջանյան, ինչպե՞ս եք վերաբերվում հայ-ռուսական հարաբերությունների ամրապնդմանը:

– Ես գտնում եմ, որ հայ-ռուսական հարաբերությունները դարերից եկած ոչ թե ընկերություն են, այլ` եղբայրություն: Եվ եթե շարունակվի այդ եղբայրությունը, այն կծառայի մեր երկու երկրների մարդասիրական զարգացումներին:

– Ապրիլի 30-ին «Ուժեղ Հայաստան Ռուսաստանի հետ. հանուն նոր Միության» շարժման գործադիր կոմիտեի անդամ Հայկ Բաբուխանյանի նախաձեռնությամբ Երեւանի Շահումյան արձանի մոտ լինելու է համերգային ծրագիր` նվիրված հայ-ռուսական դիվանագիտական հարաբերությունների 30-ամյակին: Այդ մտահղացման մասին ի՞նչ կարծիք ունեք:

– Դա ճիշտ մոտեցում է, որովհետեւ մշակույթը միավորում է ազգերին, մարդկանց: Եվ, իհարկե, այդ ձեւաչափով նշելով հայ- ռուսական հարաբերությունների 30-ամյակը, շատ հետաքրքիր է, որովհետեւ շատերի մոտ դա քաղցր հիշողություններ կարթնացնի: Ես գտնում եմ, որ այդ օրը հանդիսատեսը մեծ բավականություն կստանա` շփվելով մշակույթի հետ:

– Միութենական պետություն ստեղծելու գաղափարի վերաբերյալ ի՞նչ կարծիք ունեք:

– Բոլոր միություններն էլ օգուտ են տալիս երկրներին ե՛ւ տնտեսական, ե՛ւ ռազմական առումներով: Եվ հաշվի առնելով այն դժվար իրավիճակը, որ հիմա Հայաստանում է տիրումª կապված 44-օրյա պատերազմի հետ, եւ հարեւանների` որոնցով շրջապատված է Հայաստանը, հայ-ռուսական հարաբերություններն առաջին հերթին կծառայեն հայ ժողովրդի անվտանգության ամրապնդմանը, որոնք ապրում են ե՛ւ Ղարաբաղում, ե՛ւ` Հայաստանում:

ՆՈՒՆԵ ԶԱՔԱՐՅԱՆ

Այս թեմայով Արա՛, ձենդ մի բարձրացրու. հերիք ա զոհվածների անունները շահարկեք. իրավիճակը լարվեց Եռաբլուրում (Տեսանյութ) Եթե շարունակենք կոպիտ սխալների շարքը, կհայտնվենք ծայրահեղ ծանր վիճակում. Արա Մարջանյան Վարչական դատարանը բավարարել է Հայաստանյայց առաքելական սուրբ եկեղեցու հայցը Հովհաննավանքի գործով Փաշինյանի հետ հանդիպումը վերածվել է կոշտ առճակատման Առողջ բանականությունը հուշում է, որ այս ընտրություններում մի բան այն չէր. Պողոսյան