ՆԵՌԻ ՀՈԳԵՎԱՐՔԸ

(Կարդալ բջջային տարբերակը)

Նույնիսկ Հոլանդիայում կապիտուլյանտը չփրկվեց «սյունյաց ողջույններից», թեեւ այդտեղի հայ համայնքը փոքր է: Խայտառակ տեղեկությունների պակաս չկա` հոլանդական կողմը դիմավորելու ուղարկեց անհասկանակի կերպարների, ուղեգորգ չկար, օդանավի դռան հարեւանությամբ էլ STOP նշանն էր... Իսկ դրսում հայերը դիմավորում են «դավաճան» վանկարկումներով, հայհոյանքով, բողոքի պաստառներով... Նույնիսկ Հոլանդիայի բուհերի հայ ուսանողներին թույլ չտվեցին ներկա գտնվել Նիկոլի դասախոսությանը: Կարճ ասած` աշխարհի որ ծայրում էլ թեկուզ մի քանի հայ տեսնեն Նիկոլին, նրան այդպես են «ողջունելու»: Ազգը մերժում է Հայաստանի եւ հայության փաստացի դահիճ դարձած այդ նեռին...

ՎԱՏ ՆԱԽԱՆՇԱՆՆԵՐ ԽՈՒՆՏԱՅԻ ՀԱՄԱՐ

Թեեւ Նիկոլի առջեւ խոնարհվող ԵՄ դեսպանը անտեսեց ՀՀԿ-ի բողոքի ակցիան եւ ոստիկանության դաժանությունների լուսանկարներով պաստառները, այնուամենայնիվ նաեւ խուլ Եվրոպայում կան տեղաշարժեր` ի վնաս գլխակեր Նիկոլի: Այսպես, ԱԺ մարդու իրավունքների մշտական հանձնաժողովի նախագահ Թագուհի Թովմասյանի` բոլոր իրավասու կառույցներին ուղղված նամակներն առաջին արձագանքների են արժանանում: Տիկին Թովմասյանը նշում է. «Լրագրողների նկատմամբ ենթադրյալ անհամաչափ բռնության կապակցությամբ արդեն նախազգուշացում է տեղադրվել մեր հարթակում` խթանելու լրագրության պաշտպանությունն ու լրագրողների անվտանգությունը: Սպասում ենք իշխանությունների պատասխանին», - Եվրոպայի խորհրդի գլխավոր քարտուղար Մարիա Պեյչինովիչ Բուրիչը պատասխանել է ոստիկանական բռնությունների մասին իմ գրություններին:

...Գլխավոր քարտուղարը, պատասխանելով իմ գրություններին, նշել է, որ խաղաղ հավաքներ իրականացնելու ազատությունը ժողովրդավարական, հանդուրժող եւ բազմակարծիք հասարակության հիմքերից է, որը երաշխավորված է Մարդու իրավունքների եվրոպական կոնվենցիայով, ինչպես մեկնաբանվում է Մարդու իրավունքների եվրոպական դատարանի կողմից, այդ թվում` Հայաստանին վերաբերող գործերով:

ԵԽ գլխավոր քարտուղարն ակնկալում է, որ իր գործողություններում ոստիկանությունը որդեգրի մարդու իրավունքների վրա հիմնված մոտեցում, եւ իրավապահ մարմինների կողմից ուժի կիրառումը լինի օրինական, անհրաժեշտ, համաչափ եւ սահմանափակվի այն դեպքերով, երբ դա խիստ անխուսափելի է: Ուժը պետք է կիրառվի միայն անհրաժեշտության նվազագույն աստիճանով:

«Վստահ եղեք, որ Եվրոպայի խորհուրդը եւ նրա համապատասխան կառույցները կշարունակեն ուշադրությամբ հետեւել ստեղծված իրավիճակին եւ աշխատել ՀՀ իշխանությունների հետ ինչպես անդամ մյուս երկրներում` այս սկզբունքները պահպանելու համար»:

Տիկին Բուրիչն ամփոփում է, որ «Լրագրողների նկատմամբ ենթադրյալ անհամաչափ բռնություն կիրառելու կապակցությամբ նախազգուշացում է տեղադրված մեր հարթակում` խթանելու լրագրության պաշտպանությունն ու լրագրողների անվտանգությունը: Սպասում ենք իշխանությունների պատասխանին»:

Կշարունակեմ ներկայացնել միջազգային մյուս կարեւորագույն կառույցների արձագանքները հրապարակման մասով նրանց համաձայնությունները ստանալուն պես»:

Սակայն անցնենք առաջ: ԱՄՆ Պետքարտուղարությունը խունտային զորակցելու եւ ընդդիմությանն անտեսելու գործելաոճից անցավ կողմերին հավասարապես դիմելու` զերծ մնալ ուժի կիրառումից եւ բռնությունից: Թեեւ ԱՄՆ կոչը զսպող կարող լինել ոստիկանների համար, բայց միաժամանակ ամերիկացիները դեռ պատրաստ չեն ընդունելի համարել հոգեբանական ճնշման այն մեթոդների կիրառումը, որ 2018-ին Նիկոլն էր գործադրում, Նիկոլի դեմ ուղղելուն:

Ինչ վերաբերում է ռուսական արձագանքներին, ապա նախագահի խոսնակ Պեսկովը արդեն քանիցս շեշտում է, որ անհնազանդության ակցիաները բացառապես ՀՀ ներքին գործն են: Հուսադրող է, որ չկա սանձարձակ քարոզչություն, թե Հայաստանում իբր «մայդան» է, եթե չհաշվենք առանձին գործիչների խոսքը: Բայց կան նաեւ գործիչներ, որ ողջունում են հայերի «ժողովրդական ապստամբությունը»:

Կարճ ասած, աշխարհը տեր չի կանգնում Նիկոլին, ինչքան էլ Նիկոլը հարմար խամաճիկ լինի: Անգամ ԱՀԿ-ի պես կառույցը լույս աշխարհ է հանել մի խայտառակություն, որ կովիդի մահերի վիճակագրությունը խունտան ուռճացրել է` այդտեղ խցկելով 44-օրյա պատերազմում զոհվածներին:

ՆԻԿՈԼԻ «ԿԱԶԻՆՈՅԻ» ԱՆԻՎԸ ԹԱՐՍ ՊՏՏՎԵՑ

Ինչպես հայտնի է, Նիկոլը շատ է սիրում Սերժ Սարգսյանին Բադեն-Բադենի խաղատների հաճախորդ զրպարտիչ ձեւով ներկայացնել: Սակայն հիմա «կազինո» սկանդալը պայթեց հենց գլխակեր նեռի մերձավոր շրջապատի գլխին: Մամուլում է հայտնվել Նիկոլի շոֆեռի մասնակցությամբ մի տեսանյութ` նկարահանված Ծաղկաձորի խաղատներից մեկում: Խոսքն Արթուր (Ամիգո) Ղուկասյանի մասին է, որն, ըստ տեղեկությունների, խաղատներից մեկում 7-10 հազար դոլար գումար է կրվել, իսկ այնուհետեւ հայտնվել խաղատան սեւ ցուցակում:

Փաշինյան Նիկոլի ու նրա ողջ խունտայի քաղաքական կարիերայի վրա խիստ դրական ազդեցություն ունեցած թեզիսներից մեկն էլ ժամանակին կազինոների թեման էր: Մասնավորապես` ընդդիմադիր Նիկոլը տարբեր ամբիոններից ու իր աղբաթերթոնի էջերից ճղճղան ձայնով պարբերաբար գուժում էր այս կամ այն «նախկինի»` այս կամ այն կազինոյում պարտված գումարների մասին, հորինում մանրամասներ: Բայց կազինոների թեմայի մեծագույն սիրահարը, անկասկած, մեծն թրքասեր Գռզոն է, որ հատկապես իշխանազավթումից հետո սկսեց  մանավորապես Սերժ Սարգսյանի հասցեին անհիմն մեղադրանքներ հնչեցնել, դատվել` խոստանալով ապացուցել սեփական խոսքերը փաստերով: Անցավ ժամանակ, բայց Գռզոն այդպես էլ չապացուցեց իր խոսքերի իսկությունն ու խայտառակվեց:

Հիմա Գռզոյի շեֆի (կամ գուցե ենթակայի՞) շոֆեռի հայտնվելը նման աղմկահարույց պատմության կենտրոնում կամա-ակամա վարկաբեկելու է նաեւ այդ օլիգարխին` նկատի ունենալով այն, թե ում թիմից է Ամիգոն, որը, ասում են, նախքան իշխանազավթումը շատ վատ պայմաններում է ապրել: Հարցն այստեղ, սակայն, ոչ թե Ամիգոն է` իր 10 հազար դոլարով, այլ... Եթե շոֆեռն է 10 հազար դոլար կրվում, ապա որքա՞ն են կրվում նույն գռզոները եւ նիկոլաչինովնիկները արտերկրյա կազինոներում:

Նիկոլի «կազինոյի» աթոռը թարս է ֆռռում: Եվ նրան չի օգնի ո՛չ այլանդակ ոստիկանական տեռորը, ո՛չ սադրանքները, ո՛չ կեղտոտ քարոզչությունը եւ ո՛չ էլ ընդդիմությանն աթոռակռվի մեջ մեղադրելը: Ինչպես նկատում է Անժելա Էլիբեգովան. «Աթոռակռվի» մասին: Էդ աթոռը չկա, ուղղակի չկա: Կռիվ կարելի է տալ ստաբիլ զարգացող, ապահով ու անվտանգ երկրում աթոռի համար: Խորը ճգնաժամում գտնվող երկրում էդ աթոռի տեղը փլատակներ են մնացել:

Գուցե մինչեւ վերջ դեռ չենք գիտակցում ինչ ծանր, բարդ, երկար ու ամենակարեւորը անշնորհակալ աշխատանք ա սպասվում նրանց, ով պատասխանատվությունը կվերցնի այս իրավիճակից դուրս գալու համար: Որովհետեւ դժգոհներ լինելու են, արագ ու էֆեկտիվ լուծումներ պահանջողներ լինելու են, հեգնողներ լինելու են:

Ու ես ազնվորեն չգիտեմ մարդ, ով երազում է էդ փլատակների մասին: Բայց ես գիտեմ լիքը մարդ, ով սաղ կդնի մի կողմ ու կկպնի գործի, համակարգը վերականգնելու համար, հենց էդ հնարավոր պայմանները ստեղծվեն»:

Դե եթե վերաձեւակերպենք Վազգեն Սարգսյանի խոսքը` ընդդիմությունը փորձում է կռիվ տալ այն հողի համար, որի վրա հնարավոր լինի աթոռ դնել, տուն կառուցել, ապրել եւ արարել:

ՀՈՎՀԱՆՆԵՍ ԳԱԼԱՋՅԱՆ