«Քամանչան, փափլիկ այան ու տիկնիկները» ֆիլմի ցուցադրությունը` Արցախի այա, ՀՀ վաստակավոր արտիստ Մադլեն Ասրյանի մասնակցությամբ

Մայիսի 27-ին կինոգործիչների միության մեծ դահլիճում տեղի ունեցավ «Քամանչան, փափլիկ այան ու տիկնիկները» փաստավավերագրական ֆիլմի ցուցադրությունը: Այդ ֆիլմում իր խաղով հանդես եկավ ՀՀ վաստակավոր արտիստ, Արցախի այա,  երգչուհի ՄԱԴԼԵՆ ԱՍՐՅԱՆԸ: Այս առիթով «Իրավունքը» զրուցեց նրա հետ:

-Տիկին Ասրյան նկարահնվել եք ֆիլմում, որտեղ կադրեր կան նաև Շուշիից: Կմանրամասնե՞ք:

-Փաստավավերագրական ֆիլմ է: Ռեժիսորն է Հրանտ Հակոբյանը, որն էլ ինձ առաջարկեց հանդես գալու Արցախի այայի և իմ առօրյա կերպարով: Արցախյան կադրերը նկարականվել են 2020 թվականի  սեպտեմբերի 19, 20, 21-ին`Հայաստանի անկախության օրը մենք  ճանապարհ ընկանք դեպի  Հայաստան: Եկանք ու դրանից հետո, սեպտեմբերի 27-ին` սկսվեց պատերազմը: Ի դեպ մեր ֆիլմում նկարահանված է խաղաղ ժամանակվա Շուշիի վերջին կադրերը, բայց կարծում եմ, որ դա վերջինը չի լինի: Մենք հետ կբերենք մեր Շուշին և էլի լավ կադրեր, այցելություններ ու խաղաղ երջանիկ օրեր կունենանք իմ պապերի քաղաք Շուշիում:

-Ֆիլմում հանդես եք գալիս նաև Արցախի այայի կերպարով: Ի՞նչ դեր է խաղում Արցախի այան արցախցիների կյանքում:

-Ֆիլմում կա հարսանիքի տեսարան, որտեղ ես` որպես Արցախի այա, երգով օրհնում եմ   թոռներին: Եվ իմ նվերներն եմ նվիրում հարսին: Այան միշտ հարսներին նվերներ է տալիս: Եվ ես հենց այդպես էլ ներկայացել եմ: Ֆիլմում կան նաև շատ հետաքրքիր դրվագներ: Խորհուրդ եմ տալիս բոլորին դիտել ֆիլմը:

ՆՈՒՆԵ ԶԱՔԱՐՅԱՆ

Այս թեմայով Հրաշք տաճարն ընդմիշտ մնաց իմ սրտում... Գալու է հատուցման ժամը. Տ. Ներսես քահանա Ասրյան Հայտնի է ասրյանական «արշավանքի» նոր ուղղությունը. ԶԱՐՄԱՆՔ Խաչիկ Ասրյանը յուր «Հայոց Արծիվներ»-ով ուզում է մեկնել Իրան՝ կռվելու իրանցիների արտաքին թշնամիների դեմ Ովքեր են ՔՊ ցուցակի առաջին 50 հոգին .ՑԱՆԿ Կարո՞ղ է ցանկանում են մոլլա դառնալ, թող գնան Բաքու. Մադլեն Ասրյան